هنا

[اديان]

نسيتك يالچنت ما اگدر أنساك
وعفتك يالچنت ماريد اعوفك

چنت لمن أشوفك يلا ارتاح
هسه ارتاح يوم الما أشوفك

ظنيتك وفي وما تعرف تخون
طلعت أنت الخيانه أستاذ بيهه

خنت روحي وعفتهه اتعيش بهموم
حيل وياهه چي لنه من اديهه

انه شجابني وسويت وياك
علاقه وسجلت بسمك محبه

حبك ترس روحي جروح وآلام
ومصايب بس هواك بگلبي عبه

لتگلي العشگ لازم تعب بيه
تعب أقبل ولكن مو مهانه

ولتگلي إشفت مو تونه بادين
فاشل كل عشگ يبدي بخيانه

ردتك بيه تحچي وترفع الراس
وارفع راسي بيك وانه ممنون

واسولف بيك گدام اليكرهوك
وتسولف بيه گدام اليكرهون

ماردتك تخلي بظهري سچين
واصيرن سالفه بحلگ الشماته

لأن العار يبقى بوجه الانسان
ويضل وياه لحد ساعة مماته

[ملاك العراق]

انتقاء مميز ...
سلمت و دمت بخير

[زهرة الشمس]

[اديان]