هنا

[حنين الياسري]

واذكرت سنتين من عمري المضة ناسيها عدكم
أتذكرتكم
... والكَلب من نومته ...فز ومشه يدور أثركم
ياعشرتي الماتصح عشرة مثلكم
يادمعتـــي الحايـــرة أدور جفنكم
ياورد بستان عمري ..الماعرف بس فيْ عطركم
ياجنــح فــراشة ينــزف..مايموت ألا أعلة ضيكــم
تذكريت
وهاجن أجروحي الغفن بسكوت..بس يبجن بِعدكم
تذكريت
وكــل عذاباتـي القديمة..انمسحت وكتبـت اسمكم
تصوريـت
اكَدر اعاند واكَدر آنسة اشكد أحبكم
تصوريت
اكَدر اكابروامسح الجلمات من كَلبي ألحملكم
شكَدر آنسة؟؟
وبالكَلب شريان مـرسومة صوركم
شكَدر آنسة؟؟
وأنيّ ليلية بحلم ياخذني يمكم
ياجــروحي الغافية بلذة آلمكم
ياعمر ضيعته بيدي..واعترف أنيّ أخسرتكم
ياقصيــدة انكتبـت بـدمع النـدم..لمــن عفتكم
أنيّ غلطان اعترف..من سمعت الواشي ذمكم
ثاري هاي الناس كلها تغار ..من طيبة كَلبكم
كـون نرجع مثل الاول..عيوني اطشنها بدربكم
كون نرجع؟؟
وآلله أسوي الروح.. عطابة لجرحكم
صدكَو أسوي الروح.. عطابة لجرحكم
**************
الشاعر: جلال البطاط

[مرتضى الطيب]

[حنين الياسري]

[زهرة الشمس]

[حنين الياسري]