عمري ليل
خل اشوفك
يا حبيبي سنين صار
مفاركه عيوني النهار
شوف جم غيمه مواويل البصدري
الكل مسه يمطرهه صوتي
اللهفه نار
من اريدك شرد اكلك؟
والبصدره الشوك ما يبردله ليل
واليحب ماله وكت يرتاح بيه
شلون انام
وصورتك تتمدد بعيني نهر ماله نهايه
من اكض شباج فركاك واهزه
يطيح بجفوفي غيابك!!
واسطر دموعي لأن مابيهه حوبه
وانته تدري اعتب عليك
جنت من تسمع عتب مني
اعله شفتك تعرك حجايه ( اجي)
كصت السوالف
من تجي ريحت طوارك
اسد ميتين باب بروحي واسكت
حتى لا ينلثك طاريك الجاي
بطاري غيرك
بيه كل صفنه قطار
بذكرياتك من اسافر واوصل الاخر محطه
ارجع لكل المحطات الفتتهه
من معزتك
يلمطشر من سواليفك حجي دفتر براسي
لا تضيع ..
ضيعه الدخان لو مد الجنح بعيون الولايه الغريبه
وك سمه دروب الخلك تمطر مشابك
وصبخه صارت كاع خصري
يمته تمطر فوكهه شبكه ملاكه
وفوك خديني تخضر بوستك شتلت نهار
انته يا جامع ورد بس الفراش يصلي بيك
يا ورد روحي تعال
ترضه كل هاي الفراشات البروحي تعيش غربه
بس تعال وشوفهه اسرارك بعدهه
وانته تدري بكلبي بير
يضل امان يفيض كل ما ينترس
لا تخليني بامل طيفك يجيني
انته اريدك
ثوب غبشه الينلثك بتراب ليل
ينغسل بس بلشمس
وهذا عمري الميل كل فره ولك ياخذ عمر
رحت ودموعي سلف طالع عراضه
..ترد ونعذرك..
تدري الغايب عذره وياه...
ترد ونعذرك..
ولو تجيني بلا عذر صدكني اعذرك ..
رد مع اقتباس
