يمن كاسر خاطري بلحظة وداعك
وانه ضلي أمن الشمس فوكَكَ كسرته
يل خذت حلمك غفل والليل وحشه
والملح بعيوني درته
لو ضميرك نام اعذرك
عصر جانت
ليش نام!!!!
جا ضميرك ما ندهته
صحره ايام البعد ،، والفرح ماي
كَطره ماكو
وآنه جم بير الحفرته !!
ياكَمرتي ،،
شبيدي ع إلضلمه اذا تصلب ضواي
ياضحكتي ،،
الذكريات أشما تهب نسمه...
اعله خدي أيطيح ماي
يمته تسحك عل هجر وترد يغالي
يمته تكتل حيرتي وتوكَف إكَبالي
ضلمه بعدك
يمته تحضني ضوه ،، ويفز خيالي
اهناه.....
يمن كاَضيهه سكته
اشعل اوراق البعد لا أتاني نار
بلكت يخلصن واشوفك
يله مو حيلي هدمته
ردلي
رجع لون وجهي المني أخذته !!!
ردلي
مو ضل يسري بعظامي الونين
ردلي
مو شجره حياتي أمن أرحلت ياهو اليجي
ويهزهه وتطيح السنيس
ردلي
جف فركاك ماتحمل بعد ياغالي هزته
ردلي
ضل ياهو اليجي يستنكَي احلى أيامي
ويرد إل هله متروسه سلته
من تصاحبنه ,,ترس وجهك عيوني,,
الناس غربه ،، الدنيه غربه...
ياوجه بعدك عرفته!!!!
العيد جاي
هوه عارفنه شأكَله كون يسألني عليك
أيكَلي عفته
ايكَلي بعته
روحي عطشانه أعله صوتك
(يــــــــــــــلــه رايـــح... يله رايح)!!
هذا آخر كاس من صوتك شربته
الحركَه نار
جنت اغار، أمن الهوه من يهز غصنك ، جنت اغار
جنت اغار،، أمن السلال
التحوي من أثمار حجيك ،، جنت اغار
رماد صار
دمي جن كاغد حركته
شوكَي مهره وكَلبي خيال ودرب بعدك طويل
وتعب كَلبي وماكَدر يلجم مهرته
بلبحر ماكو هوه
ذاك ومبين شراعك... " من رحت "
دافعته همته !
تقره البظهر الضباب أشكتب ليلك
ليش ما تقره العلى عيونك كتبته
إجفاك جمره بوسط روحي
شلون تطفه الما تلوح أيده جمرته؟
رد مع اقتباس
المشاركة الأصلية كتبت بواسطة اجمل انسانة
