هنا

[فقار الكرخي]

لا تهتم صرت دخان...
ما ظل شي بعد يسوه وتجي تطفيه...
بحر بس ما شلت روحي ...
وهذا الدمع هم سوله ...
كل يوم على شط ابچيه....
لا تهتم ..انه مبيوع من كبلك ..
والدنيه اشترتني تريد تنضد ضيمها على اسمي...
ادري وجازفت كلت الورد بالثلج بلكي يعيش..
يما تدري الورد حلمي....
عادي ..انسد مثل كل باب ..
واضم بسماري ما بيه
اشيل بصورة حدها الشوف والحسره...
گدّرت الوجع بالروح ما يحمل بعد فوگ الغصن گطره...
حبست الناس بالدنيه ...
ودرت عالسمه مراياتي...وشفت روحي
لحد يلتفت ما صحت بسم احد ..
هذا الصوت متأخر على جروحي
ولج يا ريح ارسميني وشم عالغيم.....
ضحكه تبشر المالحگوا يضحكون...
هاي الشمس تنذل لو غصن يحچي وتشبگه عيون...
وانه الما حضيت بشفه تشربني ...
لحد ينچفي مثلي ..
الحلم ما ينتظر واحد...
ياما غنت الساعة ولك ناسين..
وانه وي ظلي متواعد...
لاتهتم... انه وگلبي خسرنه هواي...
مات الجمر بچفوفي وصرت بارد...
لاتهتم جفلت هواي...
فرس من الحرب شارد.....







عمار التميمي

[بيرين]

حلووو شكررا جزيلا