وین القاعده او وین الحرامیه ، داعش عاد متحزم ابچفیه
***
کل یوم او سمعنه جانه ملک الموت
ایفجر بالبلاد او بالقصف منعوت
ما عارف اصلهم یونس او یاقوت
تفخخ بالوطن والناس مسبیه
یومیه تهد امریکه واسرائیل
والثالث تبوعه یمسح ابمندیل
جتکم محرگه مکتوبه بالتفصیل
اتّحدوا یخوتی والکذبه خرمیه
***
لا کو قاعده لا کو زلم حرمان
زیل الظلم من هل عالم التعبان
لگوها امشتته والخاین الخسران
مضروبه ابمثل واحچایه محچیه
***
یابه یا جماعه صح خبر منشور
الحاکم لو عدل یتعدل المامور
تکون ابخیر طاعه المجلس او دستور
ما کو تفرقه و اللّمه سلمیه
***
های اسناد های افکار الاستعمار
یردون الذهب و النفط شب ابنار
ابیوت امهدمه و الناس تطلب ثار
شتلوا هل کره والغیره منسیه
***
بسکم یا عرب جبتوا الحرب لینه
الصهیون الضربکم و انتو ناسینه
شیعه او سنه کلمن یوفی ابدینه
لازم نتّحد ضد القچقچیه
***
یتفرج العالم و انتو محترگین
ذلّه یا عرب تتکتل الصوبین
امریکه او غربها ضدنه متحدین
تبیع اسلاح و اتمجّد الشرقیه
***
عدونه احنه العرب صهیون و امثاله
عصابات الدهر بالگلب چتاله
لا تغزون اخوکم برضه و ارجاله
کونوا للعدوا رشاشه سمتیه
***
جاسم ثعلبی
رد مع اقتباس
المشاركة الأصلية كتبت بواسطة حہيہدر الہبغہداديہ
