خل يطيحن وركه وركه!!-حسين الساعدي
*هزي
بأوراك العمر
هزي السنين...
خل يطيحن وركه وركه
لحد ما تتوصلين,
شوفة أوراكي القديمه,, الجانت ابعين اليقين!
راح تلكين الطفوله,,البيها شوك العاشكين,,
,
ردي خل أنظر دربهم ,, فدوه لا تتأخرين,
ردي بيه الناس أحبهم ,,والمشوا ما أدري وين!!
ردي بيه
الذيج الاحلام الغفت بعيون اهلنه
ردي بيه
الناس جانت صافيه ابدمع المحنه
لا
تخليني
اويه ناس امعاندين,
همه
هزتهم الدنيا
وانه
هزاني الحنين!
؛
ردي بيه
الناس احبهم
حيل احبهم ,, مايحبون الكباحه!
ردي بيه
وياحلاة اعيونهم
مثل الطفل تحجي الصراحه!
؛
ردي بيه
احبابي هسه امناطرين!
من مشو ما وداعتهم ,,
و أظن منتظريني أكول امودعين,
ايجوز ألكه ابعينهم ,, دمعات مال امعاتبين!!
حتى دمعه,
اتواسي دمعه,
وهلبت انكف الأنين,,
انه منهم ,,
رايد الهم,
هاكثر متوالمين,,
لا تخليني
اويه ناس
ايسولفون النكته كدام الحزين!
ردي بيه,,
حسين االساعدي
رد مع اقتباس
المشاركة الأصلية كتبت بواسطة اٰلٰجٰنوٰبٰٰي ٰ
