ياهو مثلي يريد يوكع مدري وين
ياهو مثلي يريد يبچي وما لگه لدموعه عين
ياهو مثلي يصرف اعلى الدنيا زين
وتالي يلگه الناس دين
ياهو مثلي اليختنگ من الحنين
ياهو مثلي بداخله ضجة مدينة
وشكله يضحك
ما يحل مشكله لروحه
ولمن تشكيله ينصحك
ياهو مثلي هوسه بي بس دمه ساكن
الدنيا إذا تحترگ يمه تشوفه صافن
ذكرياته تگود جدمه وتعثر بجرحه الأماكن
ياهو مثلي الينفعل من كلشي
لكن گلبه خالي
الينسه بس يعرضله غالي
التاكل بروحه الليالي
ياهو مثلي ؟
رد مع اقتباس
المشاركة الأصلية كتبت بواسطة خالدالسعد
