بالجذب شافوني طحت
وهاجس اخذهم ماصحت
اني بجنايزهم رحت
ومن النجف رديتهم
بشح الهوه من جان بفلوس النفس مكدار ريه انطيتهم
عندي بسكفهم جم ضلع
والله من اجر شهكه عتب للكاع اوصل بيتهم
من غركو بشط الحزن
شديت جفيني حبل وعلى الجرف دليتهم
من جانت الدنيا ركض
عديتهم طفره عمر بس بدرب تانيتهم
شهكه معالج خوتي
ماصارو اذن لونتي
من اطيح كطره مستحه اجفت واكضه بكصتي
موبس حجي
تلهث قصايد فزعتي
افزع واحس صوتي ارتعش
فزعه حموله على النعش
يوسف وخوانه اثنعش
بس ماكو بير لشدتي
حبيتهم حبي لهلي
حب فاطمه لريحت علي
بس ما اشبه بلوتــي ...لا موشمع
علكت اصابيعي دمع
كمت ابصم الهم عالوفه تطلع عيون بصمتي
مشكلتي مو حجم الجرح
يطيب ..
بس المشكله بحساسي صارت علتي
وافيتهم حد الشرك
ماحسبت يوم اندرك
خوان الي خل افترك
مافرزنت ...؟
شهكه دموعي بوجتني مابين شهكات الضحك
الشاعر: كرار الزريجاوي
رد مع اقتباس
شعر جميل
المشاركة الأصلية كتبت بواسطة اميرالمعمار
شكراً جزيلاً لكم ولروعة ردودكم