هنا

[ارجع يازمان]

شاركتوا ابقتل شعبي اليريد ايعيش!!
:::
ليش انموت!
على مود السياسي ايعيش!
المسؤول
ما يختلف عن داعش,
همه اثنيهم ضد الشعب والجيش!!
ابن الخايبه بالموت
اذا ما ينطي رشوه وزيد البخشيش,,
وارقام الفضاءيين
رواتب هايه محسوبه... ابجيب الما نعرفه ابيش!
الجندي اليطلب الاسناد,,,
يمروله ..... لجن بعديش!
من داعش يصور الموت وشافو صورة التفليش!!
وراها يطلع المسؤول
يستنكر الهجمه ابعبرة االتحشيش!!
ويألفون ... الف قصه القصص متحضره عالتشويش!!
وايجوز الضحيه ايصير (مجرم) هامل التفتيش!
هاي افلامكم
كلها عرفناها
الطير المنذبح ميهمه هلس الريش,,
ليششششش اولادنا ايموتون!!
خاطر انتم اتعيشون!
خلصناها
ليششش وليششش
ومابيكم شريف الفهم دمع الليششششششش!!
لأن ضميركم مبيوع,,,,مدري ابيش!!
لعنت الله عليكم كل مساء ومصباح
شاركتوا ابقتل شعبي اليريد ايعيش!!
شاركتوا ابقتل شعبي اليريد ايعيش!!
حسين االساعدي