لو كلبي عنده السان وتسمعه يحجي...الاصم علبي صار صدكني يبجي
........................ ................................... ...
ابعد الله عن جميع الاصدقاء الحزن وجعل ايامهم سعاده
...............بيادر حزن...............
هجم بيت الوكت من يغلك الباب..
وعليه الهم يسكمه شلون تسكام
سد شباجه عمدا والروازين...
ومافرزن شنو اليوم من الايام
ما ادري الفرح مربيه لو لا
بليقضه اجاني لو بالاحلام
اكودن نذري جني اكبال العيون
والتمت عليه اشكثر كوام
يحسدني اليمر حسباله بطران
مايدري اتلهوج من الالام
أتوجه اعل جرحي وماصحت اخ..
وكبالي شماته اهواي ظلام
عافتني الرفاكه بلايه أسباب
اوراي اليمشي صار اليوم جدام
هو الصار هيبه ويامر الناس...
الكبل محسوب من أشباه الازلام
جان بلا ثمن ينباع بلسوك
وهسه بسعر غالي هواي ينسام
عرفتك يا زماني وياي خوان..
احس ياصاح عايش جني بأوهام
حته الي بحتله اسراري غدار..
طلع ثاري بعشرته وياي نمام
يعيش وياي صار بعدة اوجوه..
ولا عاشرته صار ا شهور واعوام
كلت ابعد واعيش الغربه للدوم..
كالولي الدرب مزروع الغام
نويت اعبر بحر هاي المسافات..
بعيوني شفت غركانه البلام
عليمن بعد اعتب واحجي علظيم
مسدوده السجج ياوكتي مادام
وي روحي اسولف شده وتزول..
وتحزمت الزماني بليف ال حزام
غميج الجرح ينزف صارله اسنين..
كلت لاباس لكن صاب ال عظام
أصبرت يادهر صبري تعده ال حدود..
وبيادر حزن بيه صارت اجوام
ماظل حيل حته ايشيل ال هموم
جزتني الخيل اشوفن بس ال جتام
انادي الناس بس اتصم الاذان..
وجف الحبر عندي بكل الاقلام
مايسوه العمر واكظيه تواسيل..
وشحيحه الخوه صارت هاي الايام
ياجفن اليغمض لحظه وينام..
جن باجر الغبشه اتبلغ اعدام
.................................................. ..................
م.
رد مع اقتباس
المشاركة الأصلية كتبت بواسطة خالدالسعد
