البارحه احتاريت اعاتبمن وانام
البارحه طير المحنه ابحركه حام
البارحه تعباان وتمنيت اموت
وكلت كون ابجيلي ساعه ابحضن امام
البارحه مخنوك من كد مانخيت
اتخيلت كاعد وياهم بالخيام
البارحه ردت اكتبلكم بس لكيت
الحجي الكاتلني ثكيل اعله الحمام
ذبل عودي اكبال ال امشبعها ماي
ويبست ارياج ال امنشفها الغرام
اكو امتون اتشوفها بس للثكال
واكو امتون اتشوفها بس ل اسلام
فصل منهوبه العمر كلش غثيث
احجار يكطف والخواطر كلها جام
ایهاب المالکي
رد مع اقتباس
