هنا

[ارجع يازمان]

الهوى المر عالكناطر,,
:::
كون ترجع ذيج الايام التسر ضي النواظر!
انه شاعر
لو أريد اكتب قصائد,,بالدموع اترس دفاتر,
من ذكرت الراح مني اتزاحمت بيه المشاعر!!!
كل أحاسيسي قديمه ,, الما تحب زيف المظاهر!!
كلها عالفطره السليمه,, وتذب حوبه اعله المنابر!!
اشكد فرق بين السمه*
وبين الحوافر,,,
توجع أيام المصالح,, بس تروح المصلحه اليمك يغادر!!
كبل ماكو سوك يقبل بي يبيعون الضمائر!
كبل وين ادير عينك
تلكه الافراح وبشائر
هسه بس ادير وجهك
ينترس ظهرك خناجر!!
الناس جانت بالتواضع هسه عالبوخه ويكابر!
جان التجهبه ابقضيه,, ويكدرلهه ايكول حاضر!
هسه لو ماكو مصالح,,مايرد لمن تخابر!!
جانت
الحرثه تغازل
بالهوى المر عالكناطر ...
هسه خلينه الجسور وكطعوا احبال التواصل عاليناطر!
واليناطر,,
أيس امن الدنيا كلها ,,اتمنى من عدها يهاجر!
ما نطر وادم تزوره,,
ناطر اتزوره المقابر!
هاكثر وادمنه تعبت من كثر كسرالخواطر!!
وأأأأأخ يايوم القديم ,,,
اليسوه كل ايام هسه.. والف من ايام باجر!!
ألف من أيام باجر!
حسين االساعدي

[sawsanmahmoud]

حلو تسلم وعاشت ايدك

[ارجع يازمان]

حلو تسلم وعاشت ايدك

حلو تسلم وعاشت ايدك

الروعه بحضوركِ الاجمل
دمتي بخير