ابو معيشي الذي ولد في نجد السعودية، ثم هاجرت عائلته الى العراق وتحديدا الى سوق الشيوخ في ذي قار، وكان اسمر البشرة، ولايقرأ ولايكتب، ولد في السعودية عام 1866 وتوفي في العراق عام 1978، الرحمة لروحه، كان شاعرا راقيا وكثير من النقاد اعتبروه افضل من كتب الابوذيه والدارمي، له شعر في الزهيري وباقي الوان الشعر، وشاعرنا الاخر هو ايضا شاعر ولد في النجف عام 1879 وتوفي في عام 1954 وهو الشاعر العملاق الحاج زاير الدويچ، الذي برع في كافة الوان الشعر خصوصا الزهيري ويعتبر الزهيري ملعب زاير الدويج.الرحمة لروحه
،،،
لابو معيشي
لون تنفيني يامدلول من فاك
ربط حبل المودة احشاي من فاك
أبي رشفه يساهي العين من فاك
تنوف اعله الرحيق العذب ميه
،،،،،
وللحاج زاير
أنه ابدنياي عيبن شفت راحات
او علي مرت ليالي العسر راحات
أجيبن هاي گالو ذيچ راحات
اخافن بالقيامه ذيچ هيه
،،،،
ولابو معيشي
همت وهموم إلبگلبي كفني
ميت گوم غسلني كفني
صديج إلچنت اكفلنه كفني
ولذت بالچانو ايلوذون بيه
،،،،
وللحاج زاير
وحگ المرتضى ايمامك واماماي
غزير الدمع لفراگك واماماي
هوى الناگه لفه خلفي واماماي
الهوى مدري لوين يريد بيه
.........
رد مع اقتباس
المشاركة الأصلية كتبت بواسطة خالدالسعد
