درر العراق

ارجع يازمان · 15/January/2022

حمد شو عذرك امركَع!!
نعرفك تضرب المحتل ,, حتى اتريده ما يطلع؟
لأنك تدري بس يطلع,,... دعاوي اعليك تترفع!
على كل سرقه واجرام,,, رايح بالثمن تدفع
شو چنك فلا رايد #
شعب بالخير يتمتع!!
ابحجة جهاد اتريد ,,
وضع الهوسه يتربع !
صدك جانت الك صولات ,, يوم الداعشي استسبع!
بس من تضرب الاطفال . مجاهد هسه ما نقنع!
حمد لا تخلط الاوراق
والطاري الحشد ترجع!
الحشد المقدس تاج ,,
وتاريخه يضل يسطع
حمد استهدي بالرحمن,اخبالك هذاا ما ينفع!!
شو لمن صرت خسران,, ياحزب اليفوز اطكه بالمدفع؟
بعد نزرع ورد منريد
كلمن بالرعب يزرع!

انريد السلاح ايصير ,,
مو علهوسه يتوزع

مانقبل طرف ثالث,,,
يخلي الدنيا تتوجع!!
نريد الينفع الايتام .... مو بس حزبه يتنفع!
كافي من النهب والبوك,,هلبت ياحمد تشبع!!
ترى حوبة شعبنه ابساع ,,
منكم
تشلع وتقلع!!
هاي أخر نصيحه اوياك,,ياريتك صدك تسمع
الناخب رافضك ميريد,,
سيفك بالظلم يكطع!
ترى بالرهبه والتهديد,,
مارايح حكم تجمع
حمد انته صرت خسران ,, لازم بالهدوء تطلع!
ترى من الشعب يغتاظ !!,باجر كلشي تتوقع!!!!!
باجر كلشي تتوقع!!
حسين االساعدي