خشخشها .؟
واحد من اولاد عمي عايش باسترالية .
خلّف هناك .
وبعد عشرين سنة جاء زيارة لنا مع ابنه .بعمر الثامنه عشر .
ابنه مايعرف عربي الا بعض الكلمات اللي يتداوله ابويه في حياتهم اليومية ..بالبيت .؟
.............
ذاك اليوم انا كاعد بغرفة الضيوف ودخل عليه (عنده بيضة مسلوكَة)
فقال لي .
عمو سوّيه الي .يقصد .كَشرها الي .
فقلت له .عمو سهلة ولازم تتعلمها .
كَلي .اشلون .
كَتله .أصدعها .وخشخشها اتخشخش .
صفن الولد .
كَلي .شنو اصدعها .
كَتله .أركَعها بشيء قوي وخشخشها .
كَلي شنو اركَعها .
كَتله اصمطها .بكَصتك وتنصدع .
كَلي شنو اصمطها .
كَتلها .(هد أت يور أهّيد) افتهمها بسرعة .
بعدين رجعلي .
وكَال .شنو خشخشها اتخشخش .
كَتله رضرضها اترضض .
كَلي شنو رضرضها .
كَتله . طكَطكَها من كل الصفاح .
كَلي .شنو طكطكها .وشنو الصفحاح
كتله خايب فدّعها .وهي على مكان واحد مثل اهلك العراقيين أمفدعين قدد وهم على ارض وحده
صفن الولد وجوابني بالانكليزي .
كلّي هاي مااسالك عليها لان مستحيل افتهمها .
بس كلي . شنو طكطكها من الصفاح .
انا نسيت شنو الكشر بالانكليزي وسميته ورق شجر اولحاء الشجر .
كتله .
(اي .مين .كك يور فنكَر ات ذ ليف .أول وي ) افتهمها
.............
خطاب للي مايعرف انكليزي .
هسة انت اكيد تضحك عليه .على اساس مايعرف شحاجيه .
زين انت تعرف هذا اللي كتله اله . اذا ماتعرف هو هم يضحك عليك
..........
في غير يوم اخوه عنده بيضة وطلب من امه المساعدة
صاحبنا قال له .
خايب سركَعها ابراسك . الصاد يلفظها سين .؟
النوب امه سألته يمة يشنو سركَعها .؟
رد مع اقتباس
المشاركة الأصلية كتبت بواسطة ذكرى"
