هنا

[ارجع يازمان]

دارميات جديده
::
بالدين أوفي الدين وأداين انوب
الكل محل بالسوك هسه انه مطلوب!
االساعدي
::::::::
دك بابي الديان وفلوسه رايد
وانه ابدال الجام لازك جرايد!!
االساعدي
:::::::
يدري بأديه اليوم مكسوره بالعوز
والمنطقه شمات ما الكه حاجوز!!
االساعدي
:::::::::::::
دك بابي الـديـان باعـذاري مــا راد,
وانه امن امس لليوم ما ضايك الزاد
االساعدي
:::::::::::::
دك بـابـي الـديــان لــم الـشماته
رخص دمع مضموم جان ابغلاته,,,,,
االساعدي
::::::::::::::
دك بابي الديان مــا ضلت اعــذار
مَدري اطلع ابدمعات لو أبقه بالدار!!
االساعدي
::::::::::::
دك بابي الديان وبصوته عالي
جايب اوياه شراي رايد جهالي!!
االساعدي
:::::::::::::
دك بابي الديـان بــس الله سـاتر
لو بالظهر تنباع! بعت الخناجر,,
:::::::::::
دك بابـي الـديـان دكه القويه @
اسمع اخوي ايكول انه اشعليه!
االساعدي
:::::::::::
دك بابـي الديـان وايصيح اهواي
سواني فرجه اليوم لرايح وجاي!!
االساعدي
:::::::::::
دك بابي الـديــان لازكلـي بالباب
وانه انتظر هاليوم يلفون الاحباب!
::::::::::
ماكو خبز بالبيت وابابي ديان
وانوب اجه الخطار ويكلي جوعان!!
حسين االساعدي