الوكت بمصايبه عله الروح .... باليش
و عمر كضيته اعاتب بيه ..... باليش
طش بالي وغده من الضيم.... باليش
اليخم راسي حرف مايلكه بيه
...........................................
بشواطي العين ماظل ماي .... ويروف
وركد جفني ولا بي حيل..... ويروف
صبح خلكي كخيط وياك .... ويروف
بجرح شايب لعب دولاب بيه
............................................
أطحنتني وبعضي تارك ..... ونبعضاي
و دليلي اشواك ينبع ..... ونبعضاي
بكبر ميت و احسن .... ونه بعضاي
يمكن خنجرك رد عااااش بيه
............................................
مع الميت شرحت الضيم .... وصفيت
عله جتفه بحالي وبلواي .... وصفيت
يبس طولي عله درب جفاك .... وصفيت
جذع نخله وبلش حطاب بيه
...........................................
الزعل بالصوت يمدلل ..... ترابان
ابحضن افراكك جروحي.... ترابان
فقد مت وسوف اصبح ..... ترابان
بكبر رحه ويفرهه الدود بيه
.....................الشاعر هاني العكيلي.......................
رد مع اقتباس
المشاركة الأصلية كتبت بواسطة اجمل انسانة
