بالمناسبة ماردت "اهوس"لانه اعرف تغريداتي مزعجة الكمالمشاركة الأصلية كتبت بواسطة علي الواسطي
لكن علقت بدعوة من وسام وبنزيما
بالمناسبة ماردت "اهوس"لانه اعرف تغريداتي مزعجة الكم
عيني المنبهر بأحمد البشير والقافل عليه ،تعال خلي اسولفلك هالسالفة
تعرف باسم يوسف؟ هذا الي احمد البشر سوه البشير شو تقليد لبرنامج باسم يوسف الي اسمه (البرنامج)
وطبعا باسم هم يقلد غير واحد وهذا مو موضوعنا
واحد من اهم الأدوات الي تم استخدامها لاسقاط حكومة الإخوان المسلمين بمصر هو باسم يوسف
اشتغلهم ببرنامجه الكوميدي الساخر وطيحهم من عين وخشم المصريين
اتصور حتى من السيسي ارتكب (مجزرة رابعة) الي تقريبا قتل بيها 400 انسان بيوم واحد-مع اختلافنا وياهم ساسيا،
فطلع باسم ببرنامجه كالعادة يحشش ويضحك الناس ،وتناول الموضوع مال المجزرة بشكل أغنية ساخرة وبحركات ذات ايحائيات جنسيّة همين
بعد ما انزاحت حكومة محمد مرسي واجت حكومة السيسي ،انشال الدعم عن برنامج البرنامج مال باسم،
وباسم من ذاك اليوم لهذا سكتة وصنطة او سنطة !!
وهسه الرجال عاف كل جرائم السيسي وحكمه العسكري وأي نقد لحكومة السييسي،وسوه برنامج يسولف بيه عن النباتيّة وترك اللحوم لان مضرة بالصحة، خو ما عبالك أحشش؟ ترا احچي صدگ ثق
شاهدنا ما أگلك كل اليحچيه أحمد البشير غلط ومو صحيح، وانما اگلك لاتروح زايد ،ترا البشير موجه بشكل واضح ومركز على اتجاه سياسي محدد ،وطبعا هذا الاتجاه نتفق انا وياك ان عنده اخطاء وفساد وجزء من مكشلتنا بالعراق ،
بس لاتنس البشير يعمل على فضح هذا الأتجاه فقط!
ورغم احنا تحكمنا محاصصة وهي مشكلتنا ،الا ان نقد البشير هم محاصصة كذلك
يعني مثلا التيار الصدري بكل مواسمه ما انتقدهم ،ومغلس عنهم واخوك ما يسمع رعيد ،فقط باخر حلقة من اخر موسم من اختلف وياهم صار الحچي عالمكشوف وبالمباشر ،بينما سنوات ما چان يشوفهم خطيّة ولا ملاحظهم
خوب سياسيي أقليم كردستان أصلا ما يعرفهم البشير ولا أصلا يدري اكو اقليم هو من اكبر اسباب خراب البلد
واما سياسيي الغربية صح يحشش عليهم بجزئيات بسيطة من باب اسقاط الواجب وحتى يقنعك ان هو هم يحچي عليهم وهو منصف ،بينما فيما بعد تلگاه يستضيف سليم الجبوري وعالية نصيف وفلان وفلان وفلان ،حتى يگعد يتمضحك وياهم ويسولف ويجملهم بعيون المشاهدين ولا كأنه ذولي هم من رؤوس الفساد الي المفروض هو صارله سنوات يفضح بيهم!!!!!
والمتابع لازال متابع بدون ان يدگ عنده انذار ويحس اكو نشاز بالموضوع
خلاصة الكلام ،احمد البشير مو ملاك ولا ثائر ولا يموت عالعراق ،الرجل موجه ضد اجندة معينة ،حتى لو انا وياك نتفق على فسادها وهذا شي متفقين عليه ، لكن فرق من تعرف هذا الاعلامي يشتغل ضد هالجهة لان هي عدوة الجهة الفاسدة الي وراه
وبين انك تظن ان هو جاي يضحي ويتعب من أجل الكفاح من أجل الوطن...هاي اذا ما معتبره مثل أعلى بحياتك ويا أسفي على حياتك
أما بالنسبة لأحمد البشير فهو استمرار بفضح نفسه ،والإعلان عن تناقضاته
يبدو ان احمد البشير لازال من يعوّز فلوس ، يجيبله سياسي عتيگ حتى يلمع صورته وياخذ منه المقسوم
ماكو شي جديد، برنامجك نقد سياسي،وتريد تفهمنا كل السياسيين حرامية ويبوگون بالعراق
بس تستضيف سليم الجبوري رئيس البرلمان بوقتها!!!
وتستضيف عالية نصيف ،وعواد العوادي، وصليوه وفلان وفلان من النواب!!
وانت تدري بيهم فاسدين ،واحنا ندري
وتدري مشاركين بشرب دماء الأجيال ونهب ثرواتهم
شنو قيمة برنامج اذا انت تدعي لأجل وعي سياسي ،وانت تستضيف وجوه سياسية كالحة وبائسة ونتنة؟!!
أسئلة مثل:
-شنو القدمة بكل هاي الدورات بالبرلمان؟
-كم ملف فساد كشفت؟
-شنو موقفك من الموازنة؟
-كم وزير استجوبت؟
ذني وغيرهن العشرات الي المفروض ابجديات الأسئلة الي نسألهن لأي نائب سمعتوا منهن شي؟
لعد ماتفرقين عن البقية لأن يعمل حسب ما تمليه عليه الدولة اللي يواليه
اللي يريد يبني لازم ينتقد ويحدد الخلل ويخلي النقاط عالحروف .
مثلا احمد ملا طلال كان ينتقد الحكومة ليل نهار انطوه منصب سكت وصار يدافع عن الحكومة .
نبيل جاسم ايضا كان لسانه مايسكت عن كشف الفساد والفاسدين انطوه منصب وسكت .
يعني لاتخلون هكذا اعلاميين قدوة الكم لأن راح يجي يوم وتبدلون موقفكم حسب ما يمليه عليه ضميره اقصد من يواليه
هوسي عيني هوسي قابل شعنده خلينه مستمتعين بالنقاشبالمناسبة ماردت "اهوس"لانه اعرف تغريداتي مزعجة الكم لكن علقت بدعوة من وسام وبنزيما
بس اخاف عليج
معلوماتك غير دقيقة عن باسم يوسف
راجع حلقة (انقلاب ولا ثورة)
الرجل تمت محاربته اعلاميآ من قبل قناةcbc وبعدها انتقل للmbc وايضا تدخلو بمحتواه ونمنعت اكثر من حلقة وبعدها رفضت اي قناة تستقبل برنامجه بضغط من الحكومة غير الدعاوي القضائية والمشاكل الي تعرضلها نجبر يترك مصر
وهو عنده مبدأ ما يبث البرنامج الا من داخل مصر طبعا اني اختاريتلك اقوى حلقة ينتقد بيها السيسي خصوصا فقرة جماهير الي سخر بيها من السيسي بشكل مباشر وقوي
طبعا معلومة حول بعض الاعلاميين اللي شع نورهم وقت التظاهرات وطشوا لأن شافوها فرصة يبرزون وحصلوا مناصب بروس الفقراء واستلموا ملايين رواتب .
ولا يهمك حُــبي معلوماتي مــوو دقيقــة بالمرة حتى ما نطلع من صلب الموضوع بَــس اريد ردك على مــآ بعد باسم يوسف
احيك جداً كما أحيي الأخ علي االواسطي على إستكمال الموضوع و وضع النقاط على الحروف...
لعل وعسى البعض يتعض ..
ولا أعتقد هناك من يغيير رأيه به نحن نمتلك عقول نعم
ولكن هذا العقل لا يعرف التنازل عن الحق ..
شكرا جزيلا لكم ..
بهلواني، قرقوز، داعشي، مدعوم، طائفي، بعثي... الخ هذا كوله ماله شغل بي هو شغلته يجيب الاخبار ويخليها گبالك ويشوفك هالخبر شلون جان وشنو صار لايفسر ولايجيب كلام من جيبه مجرد يجيب الاخبار والاحداث الي موجودة بالاعلام ويذكرك ب اشياء هم جانت موجودة بالاعلام يعني لا جايب من جيبة ولا مسوي صفقات تزوير ومشوفك ولا يجيبلك دليل اول مرة تشوفه كولشي يطرحه موجود بالاعلام ف اذا عدكم مشكلة المفروض المشكلة ع الخبر الي نطرح مو على الي طرح الخبر، يعني هالاحداث ما صايرة واقع حال؟ مااعترضتو على وضعنا الكسيف اعترضتو ع الي يطرح هالوضع، لو احنه نعترض ع الذل لو نعترض ع الغلط لو نعترض ع معاملتنا ك حيوانات بگد رفضنا للشخصيات جان هسه حالنا افضل مو مثل هالحال الي تحت الادنى
يجوز مشكلتنا وياه وحدة هي الالفاظ بس هو برنامجة هيج ومنبه عليه
..
تأخرتي ..
ردك مثل شغلة راح اكتبها الك بالخاص
لا يستر ولا يدفي
