هنا

[ارجع يازمان]

اكول اتهون
أسجن دمعتي بالعين , زين الهسه عندي اعيون,,
تتحمل شكو دخان ... جمره ابدمعة المسجون!
ما صحتلي راحة بال,,
أثاري الراحه للمجنون!
امتاني الطارش الميعود,بلكي ايسكت اليحجون!!
اشلون انودع المأسات
اذا صار الفرح مرهون!!
.
أجَلب بالحلم مرات
بين أحلامي اضل مركون,
.
اقشمر روحي بحجايات,,
ممكن يكعد المدفون!
.
وأرسم بلوجه ضحكات,,
أنطيهن وانه المديون!!
مدري اشلون..
وَدعت البحر دمعات
اثاري البحر ما مضمون!
.
ياخذ دمعي بالروجات
ويغير عليه اللون!
.
باجر أغبش ابغربيل
النوارس باجر ايشهدون
.
بالغربيل اطلع ادموع
طاحن من اليودعون,,,
.
اغربل بالبحر مجبور
أدور دمعة المحزون,
.
ترى هيه الدموع انواع
ولكل دمعه أكو قانون
.
أكو مثل الملح دمعات
صارن حوبه بلماعون,
​.
وأكو دمعه الفلا تنشاف
سهله أبئيد اليمسحون,
.
لكن .. دمعة الخواف
تعرفها امن اليضحكون!
.
اترك دمعة الينعاف
هذا ابكل وكت مطعون!
.
أدور دمعه صوره وصوت
تسولف بالحجي الموزون,,
.
أريدن دمعه ويه الموت
حتى اتواسي اليعزون!!
.
والحَك دمعة المبخوت
اذا طاحت تغرك الكون!
اذا طاحت يفيض الكون!
حسين االساعدي

[خالدالسعد]

جميل

[ارجع يازمان]

جميل

جميل

حضورك اجمل

[انثى مخمليةة]

جميـل جدا