توضيح بسيط
لكثرة الاستفسارات بالخاص والمنشورات
حصراً لمن يود التقديم على معهد النفط

س/معهد النفط يا معدل يقبل ؟
ج/اذا كان معدلك يتجاوز 75% قدم على المعهد

س/ معدلي كذا % انقبل لو لا؟
ج/ مستحيل احد يضمن قبولك مالم توضع خطة القبول المتضمنة الاعداد المطلوبة لكل محافظة

س/ معهد النفط اكو موازي او مسائي ؟
ج / حصراً حكومي صباحي

س/معهد النفط يا دراسة يقبل؟
ج/المعهد يقبل العلمي بفرعيه التطبيقي والأحيائي

س/المعهد يقبل مسائي ،خارجي ؟
ج/العام السابق المعهد استقبل المسائي والخارجي
وما زال القرار نافذ

س/المعهد يقبل الدرجات التي تضاف عالمعدل من الوزارة ، مثل ( ٧ درجات الشهداء و درجة الدور الاول)؟
ج/المعهد يقبل فقط درجة الدور الاول وما عداها يهمل

س/ القبولات بيها قوائم أساسي وبيها احتياط.شنو يعني ؟
ج/ القبولات بيها قائمتين
طلاب اساس
طلاب احتياط
احيانا اكو طلاب تنقبل بمعهد النفط ولكن بعد القبول يقرر ينسحب من المعهد
لهذا المعهد راح يصعد من قائمة الاحتياط لسد النقص الحاصل في الاساس

س/ التقديم شوكت ينفتح؟
ج / ينفتح التقديم عادةً بعد نتائج الدور الثاني للسادس الإعدادي

س/ اذا انفتح التقديم شلون اقدم؟
ج/التقديم الكترونيويتم عن طريق استمارة الكترونية تنشر على موقع معهد التدريب النفطي بغداد الموجود على متصفح كوكل
http://www.boti.oi

س/ البنات شلون قبولهن؟
ج/ النظام الحالي في القبول هو فقط 10% من القبول تكون من نصيب البنات وبمعدلات عادةً عالية

س/ الدراسة شنو وضعها بالمعهد؟
ج / الدراسة باللغة الإنكليزية وصعوبتها تعتمد على قسمك بالمعهد ،لكن بصورة عامة دراسة يسيرة

س/ اني اداوم كذا هندسة او كذا كلية او معهد
شنو رأيك تنصحني اروح معهد نفط لو ابقى على الكلية مالتي واختصاصي؟
ج/ ان اهم ما يميز معهد النفط هو انه التعيين شبه المضمون بعد التخرج ويفيد الطلاب ذوي #الدخل المحدود
ويفيد كذلك لمن يود أن يبني ويعين نفسة بلا مضيعة للوقت
وانت سيد القرار في الاختيار

س/ التقديم على معهد النفط يأثر على تقديم الانسيابية المركزية لو لا ؟
ج/ التقديم عالمعهد ما يأثر اطلاقاً على الانسيابية المركزية
لانه الانسيابية المركزية تابعة الى وزارة التعليم العالي والبحث العلمي
بينما التقديم على معهد النفط يكون خاص تابع الى وزارة النفط

س/يكولون اكو منحة بالمعهد شكد وشكد يدفعون للاقسام الداخلية؟
ج/ المنحة المقررة حالياً هي 100الف لكل شهر
والأقسام مدفوعة من وزارة النفط (يعني مجانية)

س/ موقع المعهد وين بالضبط؟
ج/ الوزيرية_ خلف وزارة العمل والشؤون الاجتماعية أو مقابيل جامعة الإمام الصادق

معلومات معهد نفط في بغداد