عَليّ صار النهار الليل
تاهت كل موازيني
الماي اللي يطفي النار
انا الماي يچويني
لا اگلك ولا تگلي
اگعد واسكت احسلي
يا گلبي
انا بيا عين ادوره الطاح من عيني
وياي وعبريته الليل
نايم وانا اضل واعي
غبشة ومن غلبني النوم
تركني وماخذ امتاعي
واسكت وآكل بروحي
خلاني بطرگ نوحي
اسوي من الرمل شلال
بلكي الشوف يرويني
فراشات وورد وطيور
تشوفك لهفتي وشوفي
وصحراء وعطش ورمال
تشوفك عزتي وخوفي
شجاني وصدگت بالشوف
شجاني وچذبيت الخوف
شجاني وأمنت بالشوگ
چان الشوگ عاميني
جميل جداً
الله يرحم الشاعر الكبير سمير صبيح
شكراً أحمد
شكرا لك
الله يرحمة
شكرا ع النشر
شكرا لك.
رحمك الله ياسمير
ايها البطل الثائر
طيب الله ثراك وغفر كل خطاياك ولااكرم من الله ياابوعلي
شكرا الاخ العثماني
رد مع اقتباس