ليش تدعي الله!!,حسين الساعدي
الجرح صاير على الطيب حلال
الطيب ابهلوكت لازم ينجرح!
,
ياهو هذا الجارحك؟
ماكو مجال,
العذر بلساني_ رايح ينذبح!
,
ساعة الكشره عله ذاك السؤال
وبجواب ادموعي , يدرون ,, أنفضح!
,
ماأكول اسماء..
أحبهم بالوصال
همه جرحوني,, وأجذب بالشرح!
.
والجذب مكشوف وكت الانفعال,
الدمعه جمره وماتوافق تنمسح,
,
المن أرجع ,,
لا تكلولي تعال,,
حتى ليلي الما يحب, طرت, الصبح!
,
إلمن أرجع,,
هذا من سابع مُحال
ابضهري ماضلت مساحه وانجرح!
,
شَبن اجروحي الكبل جانن جهال
هسه كبرن حيل واحدهن وَكح!
,
دورت بالناس أريد الاعتدال
وأنتَ وحدك عود ظنيتك سمح!
,
من مشيت اوياك وجروحي زلال
ليش تدعي الله اليمطرها ابملح!!
كمت تدعي الله اليمطرها ابملح,,
حسين االساعدي
رد مع اقتباس
المشاركة الأصلية كتبت بواسطة نغم الجبوري
