هنا

[ارجع يازمان]

موعجيبه,
العنده طيبه,
عادي لو يدفع ضريبه,
الغريبه,
اتعجب اني
الدنيا شو هاي الثكيله!!
انجرت ابميل الثواني..
بيها غربيل ويغربل,, والنتيجه اشكد رهيبه,
غربلت نوع الدموع ,,
الوكحه # والدمعه # النجيبه!!
تلكه دمعه# اشكد خفيفه,,
الشامت اكبالك تجيبه!
وتلكه دمعه# اشكد رزينه,
التبقه بعيونك أديبه!
مو عجيبه
تلكه مرات المريض, اليكتب الوصفه الطبيبه!
وتلكه مرات الحمامه, الضامه ابداخلها ذيبه!!
وتلكه مرت الحبيب,ايصير مأسات الحبيبه!!
ممكن البلحرب عفته@@
ايعيش متلوحه المصيبه,,
والتضمه ابروحك انته @
الدنيا توصله وتصيبه!
مو عجيبه
تلكه وادم#
مو قريبين اعله دربك,
وكلبك الحبيته كدامك يجيبه,,
وتلكه وادم#
مو قريبين اعله كلبك,
رغم ما شوفتهم ابعينك قريبه!
مو عجيبه!
ايجوز بدموع الفرح ,, مو بالقصد .. يزرعله شيبه!
وممكن ابدمع الحزن,, لوم الدمع ,,, يترك نحيبه!
الملح ,,
مو شرط يعني ,
الضاكه ميخون ابصحيبه,
بيهم اتحطله كواني,,, ايخونك وينكر حليبه
وبيهم اتحطله شكر.. ويغزر وما تلكه عيبه,,
دِنتك حظ يانصيب,,
وكل بشر
ياخذ نصيبه.
كل بشر ياخذ نصيبه..
حسين االساعدي

[Suzana]

صح السانك..
سلمت شاعرناالمبدع

[ارجع يازمان]

صح السانك..
سلمت شاعرناالمبدع

شكرا لحضوركِ الاجمل
دمتي بخير

[Haidar Iraq]

حلو ..
عاشت الأيادي ..