هنا

[فقار الكرخي]

(مابين الصحو والنوم)

طيفك بالصحو مامات اجه بشارة شمس للعين
ترس وجهي ضحك ودموع
ومشه بروحي فرح عمرين
يالوجهك ينسّيني خساراتي
لذيذ الشوف ياماي الصبح للعين !
مد ضلك جناح اسود على الديره يليل يدلي المتيهين
ليل شما بعد فجره حلمنه يطول
حلمنه يطول ماميتين
صبرنه يطول ماميتين
انه وياك بس بالصفنه متلاگين
وبالطيف اليلم الناس جوه العين متلاگين
وتگلي تغني وانه اصرخ!
اصرخ بس يضيع الصوت من كثرة المتعوبين
وتگلي تغني وانه ابچي ؟
الخوف من الايام الجايه يخنگني وانه ابچي

الحرب لأجل العروش الخاويه تضحكني وانه ابچي!
وأنه اكبر من قصيده بداخلي من ابچي

اطشن كل ضوه عيوني بضلام الديره من ابچي
ومابين الصحو والنوم
مدينه من الصور والذكرى والاحلام
مدينه وكل حزنها اندار بعيوني

أنه شايل وجع كل العراقيين بضلوعي ويلوموني

أنه شايل دمع كل العراقيات بعيوني ويلوموني

اكلهم ماالك جيه وارد بين الظنون اعثر
يگلولي شعجب غايب
واگلهم كل عزيز بغيبته يكبر
يگلولي اتعرف لونه ؟
واگلهم شايفه بالطيف مثل الگاع هم اسمر .





مصطفى الخزاعي

[خالدالسعد]

احسنت الانتقاء

[فقار الكرخي]

نورت يالغالي