هنا

[Haidar Iraq]

السلام عليكم ..
_____________________________________

م/ مُحادَثَه ..

_____________________________________

الووو ، السلام عليكم ..
وعليكم السلام ..
ممكن سؤال اخي العزيز ..؟؟؟
نعم اتفضل ..
انت عضو ..؟؟؟
نعم اني عضو من اهل الدار ..
عُذراً ، شنو يعني من اهل الدار ..؟؟؟
اخي يعني عندي مشاركات اهواي وصرت من اهل الدار ..
زين هسه انت من اهل الدار لو عضو ..؟؟؟
اخويه العزيز ، موگتلك اني عضو ومن اهل الدار ..
وازيدك علم ، عدنه عضو فعال وعضو نشيط ..
هااا خوش ، زين انت نشيط لو فعال ..؟؟؟
تگدر اتگول فعال ..
زين ليش ماصرت نشيط ..؟؟؟
يا اخي بكيفي احب اصير فعال ، بس الخاطرك اعتبرني نشيط ..
يعني هسه انت نشيط ..؟؟؟
اي نعم ..
لعد ليش ماصرت فعال ..؟؟؟
يا اخي انت شتريد بالضبط ، تره اهواي جاي اتلح ..
اهم شي اعصابك لاتضوج ..
لا بالعكس ما اضوج ..
زين ممكن اخر سؤال ..؟؟؟
نعم اتفضل ..
انت عضو .. ؟؟؟
طوط طوط انقطع الإتصال ..
عاااااااا

25 نوفمبر 2021 ..

[أبن ألأشتر]

حيدر لازم تعرف
ترى التلفون فيه حاسّه .اذا صار الحجي مامعقول ينقطع .
بس انت جرب مرة ثانية وحاول لاينقطع .

[Haidar Iraq]

حيدر لازم تعرف
ترى التلفون فيه حاسّه .اذا صار الحجي مامعقول ينقطع .
بس انت جرب مرة ثانية وحاول لاينقطع .

يا اخي اكل اذانه بالأسئله ..

نورت ..

[Suzana]

يعني مو كولش قوية المحادثة انت هم خربان حيدر

[عدنان الواثق]

ذكرتني بهواي ناس اذكياء من يتصلون

[Haidar Iraq]

يعني مو كولش قوية المحادثة انت هم خربان حيدر

هُناك العَديد من الأواصر ، وهذه الأواصر فيها الكثير من العناصر ، إلا أنَ الأواصر تَختلف جذرياً عن العناصر ، فالعنصر يَتكَون من مجموعه من العناصر ، وكذلكَ العناصر لها اشكال كثيره من الأواصر ، ومابَينَ العنصر والأواصر ، يحدث الإنفجار والتكاثر ، وربما يحدث بينهما التعاصر ، وذلكَ من خلال التباصر ، مما يؤدي إلى إنتاج الدود والصراصر ، ومن خلال تاريخنا المُعاصر ، نَجد الإنسان يعاني من ألم المفاصل والخواصر ، فالزمن كَفيل بأن يجعل الإنسان مُنهكاً ، وتَسحقهُ الحوافر ، ولهذا نَرى الإنسان لم يَعُد يُبالي للمخاطر ، حتى أنهُ لم يَعُد يُبالي للأشياء التي تَخص الكُتب والدفاتر ، لأنَ هذا الزمان ، وضَعَ فيه الكثير من الخناجر ، ولكنهُ مازالَ يخوض الحرب في هذه الحياة ، من اجل لقمة العيش ، التي لاتأتي إلا بعد ان يكون مُتعباً ، من المعركه التي كان فيها على السواتر ، ولهذا لم تَكُن المُحادثه بالمستوى المطلوب ، لأنني خربان ، بسبب التَعب الشديد من اجل اطفالي السنافر ..
نورتِ ..

[Haidar Iraq]

ذكرتني بهواي ناس اذكياء من يتصلون

نورت ..

[Sky Fall]

هواي عدنا من هذا النوع

شكراً جزيلاً حبيبي

[Haidar Iraq]

هواي عدنا من هذا النوع

شكراً جزيلاً حبيبي

شُكراً لحضورك ..
نورت ..

[الرميثي]

اضحكتني من الصبح
اضحك الله سنك