هنا

[اديان]

هله شلونك يا انت .. وانت تعني هواي ..
مو كلمة .. بحث بالشوگ تتحول ..
اكعد يالحلم .. هو انت مثل الناس ؟..
بضحكة نجاملك؟ .. وبالچذب نتغزل؟ ..
يمصاحب صفنتي .. وياصديق الطيف ..
هسه انت الحقيقة .. بكيفك ادلل ..
المن تعتذر.. هو انت .. ما غلطان ..
انت أمر أمر لتكوم تتوسل
امسح دمعتك .. انعل ابو البچاك ..
واذا انا السبب .. استاهل اتنعل ..
مو وحدك جنت .. انت السبب بالصار ..
انه وياك .. شركة .. بكل شي نتحمل ..
يالبعدك تحب .. اعرف شراح تكول ..
واعرف بالعتب .. شتريد تتوصل ..
گبل لتگلي .. احبك .. كل شيء شايف بيك ..
گلبك .. فگلي بابه .. وصاحلي اتفضل ..
احبك .. والحواجز .. ماتهمني وياك ..
اذا مو بيك .. بيمن يسوه اتبهذل ..
لّم روحك ولك .. ماچنه نگعد هيچ ..
ما متعود بملگاك تتهدل ..
من گالو رحت .. ضنيت كل شيء يروح ..
منك .. وخواص البيك تتبدل ..
شكد مشتاقلك .. عالدمع .. سل الثوب ..
ما ينشف عّلي .. كل ساعة يتبلل ..
ما چنك غبت .. يالبعدك انت هنا ..
وهذا انت .. بزوايا الروح .. تتختل ..
رحت .. بس شتظن هم الكلب ينساك..؟
ميلوك لغيرك وعليك يتفضل ..
وما حبيت غيرك .. حتى اكول انساك ..
ولا ضحكة دمعتي .. ولا جرح هلهل ..
يالاول .. اجن بعدك .. ارقام هواي ..
لچن من اعدهن ابدي بالاول ..

[husaam]

عاشت الايادي

[اديان]

عاشت الايادي

يسلملي هل مرور الي منورني