يا عراق اشبيها هالدنيا عليك ؟
يا عراق اشبيها صايبها ثُوَل ؟
رادو يذبحون شعبك يا عراق
ورادو ارضك تنقسم
حفنة دوَل
دولة بشمالك وطنها
وينعزل بيها الجبل
ودولة بجنويك تصير
وينذبح بيها النخل
والوسط هوَ ونصيبة
واليفجر بامره هو اليفتصل
يا عراق العلم بأسره يضدك
كله مصلحته يضدك
كله مصلحته تدنّي
وكله يفرح لو يشوفك تنخذل
ما يريد اولادك بفيّك تنام
ولا يريدن بيك يلتم الشمل
ما يريدن شيعي وَي سني يتراضى
بس عداوة
والحقد يترس قلبهم
والزعل
ولا مسيحي يساند المسلم بكلفه
بس عداوه وكلمن بداره يضل
يا عراق اولادك احنا
وكلنا أخوة
وكلنا لترابك نسل
يا عراق وما هو منّا الما يحبك
ماهو منا المايصونك
غابت الشمس بنهاره
ودارت عليه الليالي
والنجم منها أفل
يا عراق اولادك احنا
ولو غدر بيك الزمان !!
احنا نصبح لك زمان
ولعدوك
احنا نصبح له أجل
رد مع اقتباس