عود كتلهم نسيتك
ودفنتها سوالفي الچانت گبل
وبس تجي ابالي مثل مدمن اصير
واكتب اسمك وين ما احصل رمل
وتفاركنا
مفارك مشيعين بجنازة غريب
ما نرجع بعد نلتم
وهذاك انت
ميت بالضحك يمهم
وانة موتني كثر الهم
واضم حزني گفة مراية
محد شافني من ابچي
عشت شامة بظهر منسي
ما صحتلي فرصة احجي
ويطعنوني واكول عزاز
طعنة حگ
واجيب كليبي بجفوفي لخناجرهم
ويرد فشلان مارادو گلب بي شك
وصفت حزني
وكرهني الناي
شاف البية ما ينعد
مثل اخرس فكد ذرعان
لا اشرت بيدي ولا فهمني احد
وطحت مو مثل اليطيحون
دمعة عين
من تيبس ( گبرها ) الخد
وصفيت ووكتي مو صافي
ولو عافوني ربعي بعيد
شلت الصحبة بچتافي
و من صار الدرب جمرة
عبرت حافي
واضم روحي صرت حتى من المراية
نهر يابس
كلشي انشاف جواية
لو عاين عليه انسان
يحس جن سامع قرايه
احمد السعد
رد مع اقتباس
