.
أيُّهــاالقرآن ...
قرآنُ و بيك اشرتِّلَت ؟ فاطمه
( بِــأَيِّ ذَنــبٍ قُتـلَت ) فاطمه
يا سوره طاحت بالدفِع
چم آيه كسروا بالضلع
واشگد قـِرَتَّك بالدمِع
فاطمه
لحظه للقرآن و فكري ياخذ اعجاب
و من قريت البسملـه ذكريت إلمصاب
عجبـه هالمـرّه العدو مو دافع البـاب
سورة الكوثـر عصرهـا ابجلد إلكتاب
كل الحروف امذبّـلـه بالهضم
و مچتوفـه بـاء البسمله بالهضم
(إذا الوحوشُ حُشِرَت)
(إذا السمـاءُ انفطرت)
من دفعوا الباب اشقرت؟
فاطمه
١
دفعوا القرآنُ و حسرة گلبـه ناحت
و من وره الباب الزچيه ابخنگه صاحت
هذا مو محسن أكيد ادمومـه ساحت
سورة الـــيـٓــ سٓ أظن عالعتبه طاحت
آيه اعله آيه تنعصُر بالضلع
و خنگوا تراتيل الفجُر بالضلع
غدّاره حمّـالـة حطب
(تبّت يدا أبي لهب)
و كلهم يعرفون ابنسب
فاطمه
٢
يا كتاب الله السور ظالم فجعها
ورقه ورقه بيك أشوف ايصب دمعها
و سورة الكوثـر عدوّك چي دفعها
ما طويت الورقه خاف الچم ضلعها
يابويـه صاحت بالحَرِگ حايره
و سورة محمد تختنگ حايره
(صاحِبُكم وَ ما غوى)ٰ
(لا ينطق عن الهوى)ٰ
وَحيٌ وَ يُـوحىٰ المحتوىٰ
فاطمه
٣
اببابك انظر ياكتاب الرحمه نيران
قبّـلـيتك وانترس كل راسي دخّان
فاطمه كوثر وحي و حيدرها قرآن
يعني حيدر هـوّه مكسور الضلع چان
حيدر كتاب البي سور تنعُصر
وابداخِلـه الكوثر قهر تنعُصر
واكبر صفـه بيها انفرد
من قل هو الله أحد
يا عجبـه كسراته ابعدد
فاطمه
٤
فاطمه صح بالهجم دفعوها الشرار
بس عجب حيدر طلع من ظهره بسمار
من وره الباب الزچيـه اتدوّر آثـار
ضيّعَت محسنهـا بين الدخنـه والنار
يوليدي وينك بس تون يالولد
عاميني دخان الحزن يالولد
إذا البحارُ سُجّرَت
إذا النجومُ انكدَرت
يعني ابأبنهـا اتحيّرت
فاطمه
٥
اشگد قرتّـك فاطمه ابنغمـة كسرهـا
و فسّرَت آياتك ابوجه العصرهـا
انتـه شايل منها كوثر معنى سرها
وهيـه شالتّـك علي ابخنگـة صدرها
مافارِگت منك لفُظ چن علي
وانته ابگلبهـا منحفظ چن علي
و صاحت يقوم الكافرون
لا أعبُدُ ما تعبُدون
گالتها واغْمَضَّت عُيون
فاطمه
٦
أيُّـهـــاالقرآن ...
تمت بعون الله المنان
هدية لقلب صاحب الزمان (عج)
ارجوا القبول بأحسن ماكان
سيد نبيل الموسوي ...
٣/جمادي الأول/١٤٣٩ه.ق.
.
رد مع اقتباس