يافاطمة الزهرة اكتبلج ابيات
شاعر وبصفاتج تكتب الروح
ياعفة ونزاهة وشرف واخلاق
نساء الكون فدوة لعفتج تروح
ياعطر النبوة وريحة اهل البيت
يازهرة علي بكل وكت وتفوح
تره الزهراء هو الباري سماج
وثالث اسم اسمج خطة باللوح
قبل بدء الخليقة وقبل الإسلام
ادم بيه تنخة اويه النبي نوح
شرفتي بمجيج كل الأديان
وعبق جيتج لحد سابع سمه يلوح
جامعة العلم والتقوى والايمان
صرتي انتي وبنتي بعلمج اصروح
ربج كرمج باغلى الكرامات
جنة انتي وبديج الباب مفتوح
تره الكسروه ضلعج ذولة الأعداء
لحد اليوم منهم قلبي مجروح
ولانهم من علي كلهم يغاروون
من قلوبهم الإيمان ممسوح
فاركتي الحياة وعمرج ازغير
وعليج السمة ظلت تبجي وتنوح
ومو بس السمة حتى الاراضيين
وديان وتلال وجبل وسفوح
احمد الخالدي
رد مع اقتباس
