هنا

[ارجع يازمان]

أه منك أه ..
محاوره بين حبيبين
::::
أه منك أه
أه واويلاه
انته طبعك عذباني _وماتكف من العذاب
مدري بيك اشورطاني!_شيبتني وانه شاب
لا بعد اكدر واعوفك
لا تمرلي وحته اشوفك
أه منك أه
أه واويلاه
::::::::::::::::::::

هذا حجيك من اسمعه __والله راوني العجب
يل زرعت ابعيني دمعه__وبالجروح انته السبب
انوب تتشكه عليه!
دوختني ابهل قضيه
أه منك أه
أه واويلاه
:::::::::::::::

الليل حارمني منامه__عذب اعيوني السهر
بيك مرسومه ابتسامه__وانه كاتلني القهر!
اشكي لناس ابنحيبي
انه عذبني حبيبي,,
أه منك أه
أه واويلاه

::::::::::
كافي تتمسكن عليهم___الناس منقهره عليك
انته جارحني وتجيهم__مادرو دمي البديك!
قبل لا اشكي ابطعنتك
انته تسبكني ابدمعتك,
أه منك أه
أه واويلاه
حسين االساعدي

[نغم الجبوري]

الله عليك شكرا للنقل الرائع