هنا

[Haidar Iraq]

بالنسبة اليه.. عندي سببي الخاص الي يخليني اترك المنتدى من مدة صعدوني الإدارة مشرفة يومين فقط و المديرة رفعت الاشراف بعدني مامتنفسة، بحجة مجاي تنشرين مواضيع. اعتقد هذا سبب كافي خليني اترك المنتدى بس اني قوية وصامدة للان.

انتِ زين وحصلتي على الاشراف لمدة يومين ، اني امقدم طلب صار 5 سنوات على اساس اصير مشرف على المواضيع المكرره والمحذوفه ، ولحد الأن Suzana ماموافقه على الطلب ، والعراب ايضاً امقدم طلب صار 10 سنوات ، على اساس ايصير مشرف على الاهداءات ، وايضاً لحد الأن ماكو موافقه ، ولحد الأن صامدين ومخلين عينه ابعين الله ، ونگول تفرج ، ولذلك لاتضوجين ، ومثل ماگالت Suzana خيرها بغيرها ..

[Haidar Iraq]

مشاغل الحياة حيدوري هم يجينا يوم وانغيب و مراح اشمرها براسك

لاااااع اشمريهه ابراسي ، علمود اني هم اطفر وراچ ، وشي ثاني اذا سوزان اتغيب ، المُنتدى ايصير اظلم ..

[Haidar Iraq]

انا قبل سنتين غبت الغيبة الصغرى واستمرت شهرين ،، وان شاء الله راح اغيب الغيبة الكبرى . حتى من ارجع من جديد انشر القسط والعدل في المنتدى ، واحارب الظلم والجور ، واخلصكم من الاضطهاد والدكتاتورية واستغلال السلطة وسوء توزيع المناصب .

هههههع

[Haidar Iraq]

خطية سوزان وسوسن مالهن دخل
والسبب الحقيقي وبكل صراحة
ماكو خصوصية ماكو حرية بلمنتدى
وجنو كاعدين بسجن بوغريب
الخاص مراقب والهمسات شنو
هااي باعتقادي سبب كافي
انو اغلب الاعضاء يهجون من المنتدا
~

شكراً لحضورك ..

[Haidar Iraq]

عزيزي حيدر
الوضع بالعراق غير مستقر
ومو مثل الوضع بغير دولة اخرى
لذلك تجد الاعضاء بسبب مشاكل الحياة
مرة يتركون المنتدى ومرة يغيبون ويرجعون بعد فترة
بحسب ضرف كل واحد بيهم
يمكن اني اكثر واحد من الاعضاء مستمر بدخول المنتدى
يومياً لانه اساس شغلي هو بالنت
بمعنى ان الشغل ما يجعلني اترك النت

نعم ، مثل ماتفضلت ، مشاغل الحياة ..
نورت ..

[Haidar Iraq]

..

آني أغيب لأنو ميقبلون أصير مراقبة
وأدشّن عهدي الرقابيّ بحظرك

..

هاك استلم ، اتريد تحظرني ..
وين راحت سوزان ، لاتخلونهه مراقبه ابد ..
عااااا

نورتِ ..

[خالدالسعد]

كلمن له اسبابه
منها العاطفية
و هي تنقسم لقسمين
الانشغال العاطفي وهذا يجعله بعيدا عن كل شيء
او الخيبة العاطفية مع عضو بالمنتدى وهذا يجعله يغادر المنتدى
ومنها الملل والمزاج ميال للبرامج الاكثر فكاهية وانفتاحية
ومنها علمه عند ربي
زين انت شنو اسباب غياباتك المتكررة ؟

[Haidar Iraq]

كلمن له اسبابه
منها العاطفية
و هي تنقسم لقسمين
الانشغال العاطفي وهذا يجعله بعيدا عن كل شيء
او الخيبة العاطفية مع عضو بالمنتدى وهذا يجعله يغادر المنتدى
ومنها الملل والمزاج ميال للبرامج الاكثر فكاهية وانفتاحية
ومنها علمه عند ربي
زين انت شنو اسباب غياباتك المتكررة ؟

غياباتي المتكرره ، لأن سوزان ماتخليني مشرف على المواضيع المكرره والمحذوفه ..

نورت ..

[عدنان الواثق]

بصراحه سبب الغياب من وجهة نظري أن الأعضاء لهم وجهة نظر أخرى
وهس وصلت الفكره مو حيدر وأكيد جوابي واضح.

[المستشار القانوني]

ومن أكثر الأعضاء... غيابا.. صاحب الموضوع... عشرين مشية ودينالك.. ومواضيع ورسايل.. يالله حنيت علينه... عله كيفك عمي.. يموسليني