ادري اليشتعل لو لاحته النار
وانه المشتعل من غير جمره
عشكنه احمر كلتلي معاند الليل
اثاري اليـنعدم بهـدوم حمره
وانه كلبي طفل مو حمل الفراك
ولا ام انه وعرف حته اصـبره
نسيت الليل انه بعشرتي وياك
غشني الليل من سواهه كمره
شهكتي اعليك بيهه اتنفس الكون
يطب ابـصدري لـكن ما ازفـره
حسرتي اعليك حسرت مؤمن الباك!
طغه جوعه ونهب من جاره تمره
مو سهله التعلق ينسي بساع
ولتـقنع بـشر ينطـيك عـمره
تقاطع ذكـرياتك احـمر اللون
وانه الجريت روحي وكلت اعبره
وانه الطيرت روحي بلايه جنحان
لجل ما تبقه اليه وياك ذكره
وانه الهدمت بيت افكارك البيض
من شفت بخيالك مني فكره
وانه كطره وضعت بنهار لشواك
لتـكلب نـهر دا تلـكه كطره
رد مع اقتباس