هنا

[فقار الكرخي]

سنتين ومرن عـ الثورة

وإنتي إمحليه الدنيا إبلونچ
بشماغچ وبجرة الحُمره

عاندتيهم صوتچ عالي
وماجاملتي وجملتينه

الطالع رايد موطن رادچ
حط الگاع وإنتي بعينه

الشم الدخانيه بروحه
رايد يشتم ريحة عطرچ

راد الوان الدنيه إتسولف
بس حب الاسود چي شعرچ

إنتي الضحكه الما تتعوض
والما منها بهاي الدنيه

إيد إتهوس ، إيد تنظف
وبروحچ خضره الحنيه

ما تنسين شصاير بينه
وخل نتلاگه بهل صبحيه

ناخذ بس العلم ويانه
وايدچ تتلاگه بإيدينه

نترحم للراحو وگفه
ونتذكر كلشي بساحتنه

وننزل بالانفاق ونضحك
ونتمشه بنصها إبراحتته

بلا كمامه ولا عدتنـه
بس إشماغ وصوتچ رايه

وإتدمع عينچ بس نضحك
والمضموم إيتعب إهوايه

بالـ 25 الموعد
بالتحرير وطولچ گذله

رايد گاعي إتصير بلونچ
كلشي بلونچ يُصبَح أحله





عبدالله العبدلي

[تشارليز ليلان]

حلوووو

[مِـيهہرَمــآهہ ♬✿]

شُڪرآ عيوني

[فقار الكرخي]

منورين