هنا

[ارجع يازمان]

اخذ بأحكامها وعوف القصيده!!
:::::::
بالك لا تخرب ويه الاحباب
اذا وكت الصلح روحك عنيده!
.
رايح تنقهر لو صفوا غياب,,
القهر مَيرجع الصارت بعيده!!
.
اخذ عطر الموده ابشوك العتاب
العتاب ايخلي عشرتكم جديده,
.
حط كلمة هلا ملزوكه بالباب
ترى اليقسي القساوه ما تفيده!
.
العنده بخت بالراده ينجاب
لو باخر الدنيا اينوشه بيده!
.
والماله بخت,, بافكاره ينعاب!
الراده اكبال عينه وما يصيده!
.
أبد لا تامن الها الدنيا دولاب
تفر وتبدل الجانت أكيده!
.
المسامح بخت بالنكله ينهاب
يِلين جلمة الغيض الشديده!
.
حتى الدنيا متخربها الاسباب
ما نرجع على الضيم ونعيده!
.
اليجامل فرح خل ينسه المصاب
مو كل موقف ايوالم نشيده!
.
يصح بالعيد واحد دمعه سجاب,,
واحنه انعايده ايامك سعيده!
.
اذا كلمن حجه وظنيته جذاب,
صير أطرش وبس اقرأ بجريده!
.
الكال الكل تجذب! عقله منصاب
ميحب يستمع غير اليريده!!
.
معذور اليرمش بالهوه الهاب.
لان ما عنده ومخلص رصيده.
.
النصائح هاي الك كاتبها بكتاب
اخذ بأحكامها وعوف القصيده!
اخذ بأحكامها وعوف القصيده,,
حسين االساعدي

[مِـيهہرَمــآهہ ♬✿]

رووعاتك يسلمووو

[ارجع يازمان]

رووعاتك يسلمووو

حضوركم اجمل