الكوابيس احلام تربت في الملجأ
ادهم عادل
الكوابيس احلام تربت في الملجأ
ادهم عادل
مامرتاح
عيوني تستحي بس الدموع اوكاح
مامرتاح
منٌك
منٌي
من الجاي من الراح
مامرتاح
عركه وي الزمن ورجعنه مكسورين
وبعيده المسافه وينسي اللي طاح
مامرتاح
لأن شفت الشمس نزلت تبوس الكاع
وبجف الطفل تنلاح
ولأن قاضي البلابل مدد التوقيف
ومفتوحه السما
والفيل عنده جناح
متروك بجزيره وتيهت بالليل
واجو ربعي عليه بقافلة اشباح
وانت اشبيك!!
لمن دافعت عن نفسي صابك غيض
مو حتى الكنافذ من تحس بالخوف
تستخدم جلدها سلاح
مامرتاح من ربعي ولامرتاح
تمساح بنهرهم صاحوا من الخوف
وجازفت بحياتي من سمعت اصياح
صارعت المنيه وبيده هزني الموت
ومدمى اطلعت
صفكوا للتمساح
كل هذا وتريد ارتاح
نادووني وركضت ابليل ايد الرسن بيها وايد بيها سلاح عثرت مهرتي وربعي قبل ما طيح واحد كًال للثاني: ابشرك طاح ابشرك طاح
تمنيتك حلم غبشة
حلم دافي، حلم ازرگ، حلم تعبان من روحه
حلم يصحى على نشغة طين، متوسد دفو جروحه
حلم خايف يجي ملثم
سوالف عين من تحلم
صفاء السراي
هوسة براسي جن عركت مجانين
المشاركة الأصلية كتبت بواسطة سـجاد محـمد
ما تنتهي ولا واحد يحلها
حيرة ارملة عشگت وبعد اسنين
طلع عايش وما ميت رجلها
رد مع اقتباس