لو غرامك موت آنه ليك اهاجر
لو غرامك موت آنه ليك اهاجر
ليل وديرة غربه وشارد ومطلوب
گلي شلون اطبها وروحي حيرانه
ارجع انكتل، ادخلها غاد الخوف
لازم سيفه الي ومسرفن اردانه
قراراتي صفت ناتجها حتماً موت
ومعركتي انتهت وي فكري خسرانة
ورغم كلهن هذني واطلعت ربحان
وعدوي وخوفي ماتوا وانتصرت آنه
سجاد محمد
خيط انعال يابس وبشمس مشمور
بصف خيسه من اوصفك هيج احس بقصور
عفن لا تربية ومابيك اي اخلاق
العب بيك طوبه من اكشف المستور
يالرايد براسي تخلي راسك عود
نهر تاليتك اتدنگلي يالناعور
آنه أحب كل النوارس و الحمام..
آني أحب بنية سمرة
وطفلة شگرة
وناس فقرة
من البرد تتغطة بالطين وتنام..
وذاك أبوي يحب وطن ما عندة جام!..
وأمي ملفوفة بعلگ أخضر قديم
وتعشگ الكاظم أمام..
أدهم عادل
الحُب لا يعرف زمان ولا مكان
ولا شرع ولا دين ولا اختلاف
الحُب فوق كل شيء
تصلي ل الله من غبشه
وتشتم بالظهر جارك
وتگلي الدين حب وخير
وتدگ بعيوني بسمارك
تذبح ناس ع القبلة
لأن مارضت بافكارك
ناس بكيفك يطبون
(للجنة)
وتظن النار هم نارك
مرتد وجنهم ثوب تعگدله
اليحب الله اعله گد عقله
البنيه التحط كحله
كلمن گال لتخافون
ترا بنص الگبور
العيشه هم سهله
أدهم عادل
شگد فاهي بنظرتك بس اموتن بيك
احب برودتك يالتكشخ بناعور...
هو احنه الزلم ما نحب عطر الهيل
نريد اوجوه يتعلگ عليها ابخور..
يالرايد تدفيني بشتا العشاگ
أنه عندي گلب يرتاح للتنور...
مثل الريح ماتعشگ جسم مفضوح
بس شلون تتخبل اعله المستور...
صح هو المطر كلش حلو من ايطيح
بس مرات اريد اتطيح فوگي گبور
أدهم عادل
وَتَـرَكْـتُ حُـلْوَ الْعَيْشِ لَمْ أَحْفِلْ بِهِ
لَـــمَّـــا رَأَيْـــتُ أَعَـــزَّهُ فِـــي مُــرِّهِ
::
وَالْـمَـرْءُ لَـيْـسَ بِـغَـانِـمٍ فِـي أَرْضِهِ
كَـالـصَّـقْـرِ لَـيْـسَ بِصَائِدٍ فِي وَكْرِهِ
::
أَنْـفِـقْ مِـنَ الـصَّـبْـرِ الْـجَـمِيلِ فَإِنَّهُ
لَـمْ يَـخْـشَ فَـقْـرًا مُنْفِقٌ مِنْ صَبْرِهِ
::
وَاحْـلُمْ وَإِنْ سَفِهَ الْجَلِيسُ فَقُلْ لَهُ
حُـسْـنَ الْـمَـقَـالِ إِذَا أَتَـاكَ بِـهُـجْـرِهِ
::
فَــأَحَــبُّ إِخْــوَانِــي إِلَـيَّ أَبَـشُّـهُـمْ
بِــصَــدِيــقِـهِ فِـي سِـرِّهِ أَوْ جَـهْـرِهِ
::
لَا خَـيْـرَ فِـي بِـرِّ الْـفَتَى مَا لَمْ يَكُنْ
أَصْـفَـى مَـشَـارِبِ بِـرِّهِ فِـي بِـشْـرِهِ
::
أبُو فِراس الحَمداني
رد مع اقتباس