قصيده باسماء الشعراء المتوفين_حسين الساعدي
ردت اكتب قصيده وعوزت بيت!
المقبرة النجف رحت و تعنيت
,
صحت خضير وكاطع وعريان
اشبيكم ما كعدتوا اهوايه ناديت
,
احنه ابهل وقت عدنه انتخابات
اجه يمكم سمير ايريد تصويت,,
,
انه رايد قصيده اتريد ضحكات
رياض الوادي انته اشبيك ماجيت!
,
رحيم المالكي مو عادتك هاي
تغلس عالينادي وسكته ضليت!
,
الحلفي شجالك عبد الحسين
للومضه اشعب ما هسه حنيت!
,
هلبت يالسعيدي اتسئله وياك
سعد من القصايد شنهي , مليت!
,
الي ابنص المقابر كومه صحبان
فرسان الشعر بيهم تكفيت
,
معقوله اجيهم وانه حيران
ويخلون القصيده ابعازة البيت!!
,
افريداوي وغريب وساعدي اهناك
وعادل وبغني ومحسن تنخيت!
,
اكعد ياصباح اتلكه جبار
وانته ابلا زعل رايح تمنيت!
,
اجيت ونا شدتهم بالمواويل
وباساميهم الحلوه اهناكه غنيت
,
لكن! جاوبوا بدموع العيون
اشجابك للقبور الليله طبيت؟
,
مشغولين هاي الليله يحسين
اكو ميت اجانه وعايف البيت
,
مشغولين عدنه الليله خطار
اجانه الليله شاعر(...) ماخذ الصيت
,
هالليله اجه وكاشخ بالاكفان
اهنا ماكو قميص وماكو جاكيت
,
كال النه الشعر متقيد اليوم
بيد اشعيط ومعيط السرابيت!
,
جان الشعر ثوره وصوته زلزال
هسه استسلم الراي الطواغيت!
,
صار اليسرق ايسمونه عملاق
عليكتب صدك,, بالحسره ضليت!
,
صارت للمصالح ادفع وروح
اطلع بالهوء ابكل المواقيت,,,
,
بعد ماضل شعر لتسمع الناس
المنصه اتفصلت صارت توابيت
المنصه اتفصلت صارت توابيت
حسين االساعدي
((وللحديث بقيه))
رد مع اقتباس
المشاركة الأصلية كتبت بواسطة خالدالسعد
