شمريد انساك اذكرنك وكوم اكتب
موش احنه الندير اوجوهنه امننحب
مثل شعره عشكنه يخضر امن يطيح
ايد ابأيد مثل السنسله انجلب
علك شديتك ابعوجيت العميان
وريد مراد يعدل شوف المحدب
ذنب بس فكرتلك كبل لاسويك
وجبت عمري اعتذرلك وانته بس تعتب
إنه مثل التفك مضمامي أعز مضمام
يم روس الزلم حته منريد انذب
ضوه فانوس أدلي الناس وانه اعمه
مثل صوره ابكبر جبت العمر مترب
وجه بمرايه كلشي يبين ابفركاك
بلاحايوز ليل وهد على المغرب
شبيك موفصل يتوزع اعله الروس
ترا العنوان مايرتاح من يتعب
يشفت ادلال لاجيسك ولاتنباس
البي شاره يظل أمنل صور يرهب
حرز وياي رتك مو عليه اتصير
وانه اول بشر مات بعلاج الطب
تعال اليل يخلص واحنه مانخلص
ينسمه ابواهس السكران من اتهب
على داير خصر داير حبل ماصير
وصله امبلله وشدني اعله ضهر الحب
اعاين ماكو خافن بالعتكم كاع
مثل الذيب يشتم ضيفه المعزب
ترجيية ذهب ياخيط سد فركاك
وكلي ابيش يطفه الماي اليعطب
ماي وماشربتك دم اثر بالكاع
لئن شفت البلامه تموت من تشرب
منقول
رد مع اقتباس
المشاركة الأصلية كتبت بواسطة خالدالسعد
