……
تلگاني...
مره منتصر
وتلكاني...
مره منكسر
وتلكاني...
مره بدمعتي
مره الضحك عنواني…
هذه آنه من هاي البشر
أنعجب، وأعجب، وأنعشگ
وأعشگ لحد طغياني
ما نزلت بچفي الشمس
ولا نازل بچفي الگمر
ولا جالد بعصه الهوى
ولا هد حمام ارداني.
واضح مثل غيم العصر!
وجلمة نبي بلساني..
مشّيتك بدرب الصدگ
لن... آنه تربية الصدگ
والچذب ما ربّاني
وأعترف....
عد ذاتك وطن
لكن عيونك، شامتك
قوس الحواجب، والوجه
خصرك، وذاتك، ضحكتك
كلهن هذن أوطاني…
شذره وعشت عد محبسك
بس محبسك ذبّاني
رديت ورقه بشجرتك
موسم ربيعك صادفت
وهم غصنك الهداني ..
تدفعني وأرجعلك لأن
عشگ النهر ويه الجرف
شما روجه عن جرفه أبتعد
واحد يرد لثّاني.........
علاء الموسوي
رد مع اقتباس
