ارحب ارحب
السلام عليكم.
درر/ودرات العراق
بمناسبة المولد النبوي الشريف
من سويلفات رفيجي
عسى
مستعدون لإقامة حفلات المولد و الزفات الإسلامية ...
فرقتنا بقيادة الرادود آية الله حجي حمادي ...
من المواقف الطريفة التي صادفتنا في مشوارنا الديني انوا في احد الأيام مر حجي حمادي ال حمادي بأحد الطرق الريفيه لجزيرة الرمادي فشاهد حاته جاعد تكنس بالباب و دكها حاسبه ...
ثاني يوم كال تحظروا نروح المغرب على أهل هذا البيت احنه و الدفوف والدرباشات و بعد و صولنا و استقبلونا خير إستقبال و بعدها تكلم حمادي لصاحب الدار قائلآ
( جدي ابو خمرة جاني بالمنام وقال لي أن اهل هذا الدار عدهم حاته ثلاثينية البارحه تكنس بالشارع اذهب وتقدم لخطبتها )
فقام صاحب الدار وجلب شطب رمان ورد عليه بقوله ...
( جدك ابو خمرة ما كالك هاي جنتهم و عدها ٦ جهال )
ولزم حجي حمادي كفر بي لحد الان اثر الشطب بظهره ...
اما انا فبداية مشواري الديني بدأت حافظ كم قصيده و مقدمة مال عريف حفل و كنت مرتبط بجامع بالرمادي يطلعون ينشدون ويدكون ادفوف اطلع وياهم وبنهاية الحفل يكوم يوزعون هدايا وتجيني حصه و يوم من الايام اكوا حجي تبرع بمبلغ من المال على قصيده القيتها وحدي و الزلمه هدهد من البجي لخشوعه على سماعها و حبني من راسي وحط بجيبي الفليسات .
نعتبرها الكشه كان المفروض نقسمها اني و الي وياي بس اني غلست وما نطيتهم شي و من يومها طردوني من فرقة الانشاد وكاموا ماياخذوني وياهم .
عاد صرت مستقل وكمت اروح وحدي ومن ادخل انسق ويه عريف الحفل
يخليلي وقت اقرأ قصيدتي و اطلعلي كم فلس و ارجع منشنش ...
#ملاحظة انا و الاخوة المداحيين لا تحطون عشانه ويه الموجودين خلونه وحدنه وجثرونه سفن اب ...
وسلامتكم درر ودرات
العراق العريق
رد مع اقتباس
المشاركة الأصلية كتبت بواسطة المحاميه شهد المعموري
