عدنه وطن!!-حسين الساعدي
عدنه وطن ,,
ماشاف راحه ابكل زمن!
ايامه الراحن واجن,,
كلهن محن!
احزانه ويانه بقن,,
نفس التعاسه والحزن!!
مثل الاحزاب اتسلطن ,,للأبد ما يتبدلن!
لا بانتخابات الاجن!
لا بانتخابات المشن!
كلهم بقوا محد طلع , واليخسر ايدور فتن!
دجاله ماهمهم شعب!- ياساقط الشعبه يحن!
ينزل نفط,
الشعب بامره يمتحن !
يصعد نفط.!
همه اليقبضون الثمن!
خيراتك اشكد ياوطن! بس للاحزاب اتقسمن!
جانت مجالسهم جذب! غشونه بدموع المضن!
الجانوا يعانون الظلم-طلعوا يعبدون الوثن!
حكموا حكم معاويه,, الكالوا نوالي ابو الحسن!!
حسين االساعدي
رد مع اقتباس
