ليل وليل غت وأسود السلطان
شايل هودجك يلماعثر فرسك
شايل والظلام امچتف الحداي
والغيم ابنبل يتراشگ ابحسك
ياهمس الافاعي التشتم النگاط
رجفات الشفايف لاتجي اتبوسك
تشرب بالرمش لو عطش بيك الخوف
ويتزارگ جمر يلماگلت بسك
بسمة خوف چانت والضحچ مخطوف
وانت ابلثمتك ومگبع ابشمسك
غت وبلعته العين برفيف الخوف
ياباچر فجر وتنعثل ابأمسك
تمسح بالصخام الصبغ وجه الليل
وتركظ عاظلام وخنجرك ضرسك
ليراتك ضحچ وتدردغت للماي
ونبعة عين فضه اتغازل ابفلسك
من هوس الچول وركص بيها الذيب
درت فچ الزعل والمستحه ابهمسك
ضوه عيونك يزفك والرمش سردوج
واجت بلقيس ليك ورگصت ابعرسك
كاظم السماوي
رد مع اقتباس