..

| شوفوا عيني.. #الكيرف يختلف عن #القرار...

١| الكيرف: هو اعلى او اقل درجة تنطيها الكلية على السعي السنوي للطلاب اذا شافوا الطلاب بمادة معينة رسوب هواي كلش او مكسرة الدرجات كلش.. مثلا ينطون 2 او 4 او 3 او 5 درجات بحيث ينجح اكبر عدد ممكن من الطلاب بيها.. وهاي تكون على السعي السنوي قبل امتحانات الفاينل.. (الكيرف من اختصاص الكلية اما الوزارة مالها علاقة).

٢| القرار: كلكم سامعين بيه بالمدارس وكلكم تعرفونه.. وهو يكون ثابت سنويا يعني ماكو سنة يجي وسنة مايجي او ماعرف ايش من هالكلاوات.. القرار ثابت سنويا.. والقرار يكون على درجات الفاينل.. يعني انتوا الطلاب تمتحنون وتخلصون وتنتظرون النتائج.. من تطلع النتائج يطلع مثلا اكو طالب مكتوب على درجة معينة ناجح بالقرار.. يعني مخليله قرار على هاي المادة.. مرات مادتين او ثلاث مواد ممكن تنجح بيهم كلهم بالقرار.. (القرار من اختصاص الوزارة والكلية تنفذ فقط ومالها علاقة).

| اذكر مرحلة اولى وياي طالبة عدها 3 مواد كلهن نجحت بيهم بالقرار يعني درجاتها كانت 49 - 48 - 48 فيوزعون القرار على كل المواد.. او مثلا مادة وحده عندك 45 تنجح بيها تصير 50..

| القرار ثابت 5 بس اكو سنوات يصير 10 حسب الظروف.. مثل العام صار 10 والقبلو هم صار 10.. ومرات يبقى فقط 5.. هاي السنة لحد هسه 5 درجات فقط.. فممكن يصير 10 وممكن يبقى 5..

| الدراسات العليا هاي السنة سووه الهم 10 درجات بدل 5 فيعني ك توقع شخصي راح يصير 10 درجات للجامعات ايضا..

| نظام الكورسات.. سالت كلمن يحجي شكل اكو كليات تنطي 10 كل كورس 5 واكو كليات هي 5 وحدة تقسمها ع كورسين حسب الجامعة وتعاملها ويا الطلاب..