هنا

[خالدالسعد]

شو كل الناس تحب الله
والكل يسولف ..بسم الله

متفهمونا ياهو يبوگ

شو كل أحنه نصلي ونركع
وقرآن بكل صوت العالي
نسمعه ونخشع ...!!!
وبيت الله من كثر الناس
يغص ويبلع

متفهموني ياهو يبوگ...؟
وياهو يبوگ...؟

النائب شو طره بگصته
ويوميه لعمرة بيت الله
گايد مرته ..!
ومن يرجع متروس علوگ

متفهمونه ياهو يبوگ

ومن تمشي لدائرة الدولة
وتوصل يم غرفة ست خوله

الميز معفر بالتقوى
والحايط بي صورة آية
وحجاب واصوات اقرايه
وخوله منوره ..!!
وچنها مرايه
وعالفقره تنوح مچوايه
وخاطرها من تشوف الفقره
شگد محرووگ

متفهموني ياهو يبوگ

ولمن تمشي بنص الشارع
يمنه ويسره ..مجدي تباوع

ومن توصل يم باب الجامع
والكل راكع
والكل خاشع

چا ليش تحرگون السوگ..؟
وچا ليش ايتام الله اتجوع ..؟

وماعدهم ابسط لحگوگ..؟
وچا ليش أعراق الحرية
من ناسه يصبح مبيوگ

متفهموني ياهو يبوگ
اوياهو .... يبوگ

...جواد الكعبي

[صباح السراي]

الفقير بينا شبعان
والسياسي خطيه جوعان
يدور بالمزابل
على كسره خبز وكلاص ماي
ومن الله كصته موسومه
خطيه هاي علامة التقوى
خطيه السياسي ماعنده
على وصله يدور يستر عورته
خلصها السياسي بظيم
ما حصه وخلصها بس بدين
لاتعتب على السياسي
فلوس البلد صفت يم الفقير

[خالدالسعد]

الفقير بينا شبعان
والسياسي خطيه جوعان
يدور بالمزابل
على كسره خبز وكلاص ماي
ومن الله كصته موسومه
خطيه هاي علامة التقوى
خطيه السياسي ماعنده
على وصله يدور يستر عورته
خلصها السياسي بظيم
ما حصه وخلصها بس بدين
لاتعتب على السياسي
فلوس البلد صفت يم الفقير

شكرا لمرورك الجميل