نبذة مختصرة عن #قسم_التحليلات_النفطية

- هو من اقسام معهد التدريب النفطي ، يكون هذا الاختصاص مؤهل للعمل في جميع المختبرات الكيمياويه لمعرفه نسب الشوائب والماء ومعرفه جميع مكونات النفط الخام ، وكذلك معرفه نسبه الغاز المخلوط بالنفط الخام عند استخراجه من الابار النفطيه وكيفيه عزله وكذلك معرفه الكثافه والوزن النوعي وتحديد اسعار النفط والعمل على جميع الاجهزه المختبريه وكذلك القيام بالفحوصات المختبريه على جميع المشتقات النفطيه وحسب المواصفات

- خريج هالمجال يكون مؤهل للعمل بالمختبرات الاتيه :
١. مختبرات الغاز
٢. مختبرات السيطره
٣. مختبرات الدهون
٤. مختبرات التحليلات
٥. مختبرات تحليل المياه

- مده الدراسه سنتين ، الشهاده دبلوم معهد نفط / قسم تحليلات نفطيه ، يقبل الاحيائي والتطبيقي بمعدل 94 للولد ، و 95 للبنات
، التعيين مركزي ، ماكو اهلي ولا مسائي ولا موازي ،
الراتب مليون وربع كبدايه ، ونظام الدراسه يكون فصلي

- من تتخرج حتتعين بالمختبرات وتشتغل بيهن لان انت اصلاً شغلك مختبري تحلل نفط وتقيس الكثافه عاليه لو واطئه او متوسطه ، زين او مو زين ، ومو بس بالنفط وانما الغاز والبانزين والمي تشوفه بي شوائب او بكتريا تحللهم
الدراسه كلش سهله عبالك ثاني متوسط ودتدرسه اوربيتالات وتوزيع وكذا

- مواد المرحله الاولى ـ كيمياء عضويه + كيمياء عامه + رياضيات + تقنيه نفط وغاز + حاسوب + الكيمياء العامه + التحليل الالي
المرحله الثانيه ـ تكون مواد اقل

- نصيحه الي معدله حرج خلي يقدم عليه هم دراسه سهله وهم تعيين مضمون وهم راتب قوي ، وممكن بمرور الايام والسنين يصعد لان رواتب النفط دائما عاليه