10/1 مقبرة الأحرار
باچر ننذبح، والدم يّحَني الگاع
باچر موّت، باچر جثث تتطشر
الرؤوس الأينعت باچر قطفها يصير
باچر كلها راح تصير لون أحمر
باچر مايضل تابوت مامحجوز
باچر ما يضل دفان مموزر
باچر الأمهات أتاني بلبيبان
باچر لون وجه الابهات أصفر
باچر چم طفل متيتم ومكسور
باچر هل وطن الأيتام بي تكثر
باچر چم حبيية، الولف منها يروح
باچر عالگصايب شيبهن يفتر
باچر من صدگ هيهات راح نصيح
باچر يطلع المعروف عالمنكر
باچر نعرف الحراس مو حراس
باچر نكتشف كتالنا العسكر
باچر ننذبح والعگل بالخضراء
باچر نكتشف چم شيخ ممقدر
باچر چم معمم ينكشف شيطان
باچر فتوى ضدنا يصدر المنبر
باچر بس شَجب وندين لا ميجوز
باچر أقوى شي نسمعها لستنكر
باچر چم عميل يصير حامي الگاع
باچر فتوى ضدنا يصدر (الرهبر)
باچر چم حلم ينذبح بالتحرير
باچر جيل كامل راح يتأسر
باچر غَربَله وكلمن وربعه يصير
باچر ينعزل لدنان والعنبر
باچر راح ندخل فخر بالتاريخ
مثل الطف الحسين نعيش مانُدثَر
الرحمة والخلود لشهدائنا الأبرار الأحرار والشفاء للجرحى
وهنيئاً لكل من شارك في هذهِ الثورة العظيمة
منقول
رد مع اقتباس
المشاركة الأصلية كتبت بواسطة خالدالسعد
