الحسين الثاني ...
بالحضره غربـه
و ماندرك الحال
مرفوعــــه گبـّــه
لو راسك انشال
و منهو اعله الگبر حاضِر
دعــبــل هــذا لو جـــابـــــــر ؟
ماندرك الحال
غربة امصابك
حارت اببابك
إنته گلبك ماعرَف بمصيبه يحتار
و من دروا باهلك
اتعنّوا الأجلك
ذبّـحوهم بالدرب أهلك وِإلنصار
دمعك اتسيله
ماإلك عيله
مو مثل جدك رجعلك ظعن إلطهار
حالك انحسّه
و عجبه شو هسّه
وصلوا أهلك بالظعن لو هذي زوّار؟
منهو اليضدّك
والعِزّه تنشاف
لا عيله عندك
و زوّارك آلاف
نسئل والعگل حاير
دعبل هذا لو جابر
ماندرك الحال
١
سيدي ابهاالراي
لو حچينه ابهاي
من گبل عباس و نفرض زينب اتموت
ممكن العباس
مايجر أنفاس
و مابعد تبگالــه قوّه ابمعركه ايفوت
وانته بين الويل
مابگالك حيل
واختك المعصومـه گبلك شافت الموت
انته لو مسموم
من گبلها ابيوم
ماأظن چبدك بگـه من سمّـه مفتوت
سم الجرعتـه
ما فَت چَبِدتك
چبدك گطعته
من ماتت اختك
والطيّبلك الخاطِر
دعبل هذا لو جابر
ماندرك الحال
٢
گلبك اتألَّم
وانته مامهتَم
من حچيت اويه العدو تكسر عناده
الخالِفَت أمرك
شاهِدَت قدرك
سلِّمَـتلك كل حُكمها ابلا إراده
تفضح الظالم
اتحقّر الحاكم
ياغريب ابلا حُكم بيده القياده
و من سِعَوا ضدك
گطّعَوا چبدك
مو نحر ذبحوا چَبِدتك بالشهاده
سَمْ تجرع ابويل
وامغطّيِ الراس
اشگد ناده جبريل
لا تشرب الكاس
صاح ابدمعة الناظر
دعبل هذا لو جابر
ماندرك الحال
٣
من أرض مشهد
أسَّسِت مرقد
و نزلت املاك السماء ابموكب اتنوح
من اجن يمك
اشتبهن ابدمك
چبدك و نحر الحسين ابنفس إلجروح
ابحيره ظلينه
حتى شكينه
گلنـه مو سم الچبد خاف انته مذبوح
كل عگل يفنـه
وبالصحن شفنه
گبّـه مرفوعـه ابرمح لو راسك ايلوح ؟
ماعدنه مفهوم
ماندري للحين
هذا انته مسموم
لو ذبحوااحسين
نشدينــه ابگلب صابِر
دعبل هذا لو جابر
ماندرك الحال
٤
نشتَم ابتربك
ريحه من حبك
حيَّــرِتنــه ابمرقدك والغربـه تكتِل
ضعنـه بمصابك
حتى بترابـك
هذي ريحة كربلـه من گاعك اتهِل
الهسه مانعرِف
هذا ياموقف
شفنـه زاير عالگبر بس دمعه يهمِل
يَمّـه گرَّبنـه
بس تعجبنه !
جابر الانصاري يمك إسمـه دعبِل
ماعدنـه ملموس
وين احنه وانطوف؟
هاي الأرض طوس
لو گاع إلطفوف ؟
شفنه اعله الگبر شاعر
دعبل هذا لو جابر
ماندرك الحال
٥
أهلك انقتلَوا
ماإلك وصلَوا
و بالغرب سم الچبد زاد اعله همّك
و چي متت وحدك
و لا أهل عندك
الله جاب الزهره تبچي الليله يمك
ابلا ضلع وصلت
عالگبر صلّت
اتيمّمَـت من تربتك بالحضره أمك
و عجبه هالمرّه
ماهي منكسره
ماحنت ليك الضلع خافت يهضمك
كلشي اعله مضمون
يتفسر ابنوع
بس فاطمه اشلون
ماتحنيِ اضلوع
شافت عالگبر زاير
دعبل هذا لو جابر
ماندرك الحال
٦
الحسين الثاني ...
تمت بعون الله المنان
هدية لقلب صاحب الزمان (عج)
ارجوا القبول باحسن ماكان
سيدنبيل الموسوي ...
٢٩/صفر/١٤٣٨ه.ق.
رد مع اقتباس