خطوات التسجيل في الكليات
من يطلع قبولك المركزي شنو المستمسكات الي لازم تحضرهن للتسجبل
راح اشرح هذه المره على شكل نقاط حته تكون اوضح واسهل عليكم ،وهاي الامور كل الجامعات تطلبه واكو اقل حسب تسهيل الكليه ويا الطالب
اولا/اول شغله تسويه تستنسخ اربع نسخ لمايأتي :
جنسيتك +شهادة جنسيه
اذا بطاقه وطنيه بعد احسن
جنسية الوالد+شهادة جنسيه
جنسية الوالده +شهادة جنسيه
بطاقه التموينيه
بطاقة السكن
تأيد سكن(للاحتياط)
12صور جواز سفر
فايل نايلون
تشتريلك ظرف نايلون وتخلي غراضك بي حته مايضيعن وينشلع كلبك ،شي مرتب وحلو
#ملاحضه مهمه كل الي ذكرته تاخذ وياه الاصلي مو بس استنساخ
زين استاذ اني عندي بس جنسيه وماعندي شهادة جنسيه شلون?عادي مو مشكله على شهادة والدك تسجل ،تمام اول ماتحضر هذني الامور
ثانيا/القبول المركزي مالتك تاخذله سكرين وتسحبه ورقيا لان اكو كليات او مدارس اطلبه
ملاحظه:القبول المركزي يعني كليتك الي انقبلت بيها مثلا تم قبولك في جامعة بابل كلية العلوم ،هذا الي اقصده تسحبه ورقيا
ثالثا /تأيد درجات شنو هذا التأيد استاذ?ورقه مكتوب بيه درجاتك ومعدلك ومعنونه الى الكليه المقبول بيه يسويه الك المدير مال المدرسه اما ورقة التأيد تروح لابو المكتبه وتشتريه وتاخده وياك +صورتين مالت جواز سفر ،تمام هذا التأيد جهز عندك
زين استاذ عليمن تأيد ليش ماخذ وثيقتي ?خوش سؤال التأيد هو شي مؤقت حته تكدر تسجل بالكليه ماتاخذ الوثيقه بالبدايه لان خاف الك نيه تروح مسائي او اهلي بعدين بهاي الحاله اذا انت مسلم الوثيفه مالتك للكليه راح تسببلك مشاكل لذلك سوي تأيد درجات افضلك ومن تستقر بالدوام اخذ الوثيقه وثاني شغله الوثيقه شويه تتأخر يله يصدقه المدير من التربيه ، بعد ماسويت التأيد انتبه وياي ضروري ضروري تاخذه للتربيه مالت محافظتك وتصدقه خاصة اذا جامعتك خارج محافظتك المقبول بيها لان بالتسجيل اغلب الجامعات ترجع الطالب لان مامصدق التأيد لذلك ضروري تصدقه من مديرية تربية محافظتك حتى مايرجعوك ،تمام مو تنسه ديربالك
رابعا /الفحص الطبي ،،ورقه تثبت انت سليم من الامراض نفس الشي تاخذ الورقه من ابو المكتبه تكله اريد ورقة فحص طبي مالت تسجيل جامعه وتاخذ صورتين وتروح للمدير راح يملي شويه معلومات ويعنونه للكليه ،صدك استاذ شنو يعنونه ?معناه يكتب الى جامعة بغداد كلية التمريض بالتأيد او الفحص يوقع ويختم هذا معناه ،زين كملت الفحص من يم مدرستك هسه تروح لأقرب مستوصف يمك تكص وصل ب25الف وتبدي تفتر على الاطباء يقيسون نظرك وهاي الامور الروتينيه بالمستوصف يملون الفحص مالتك ويوقعولك اضل تفتر لحد مايكمل الفحص الطبي بالمستوصف دربالك تضيع الوصل ابو 25 ،كملت الفحص تشتري ظرف زغير وتخلي بي الفحص والوصل وتغلقه ،تمام هسه خلصنه من الفحص الطبي وصار جاهز عندك
خامسا /الكفيل :عباره عن موظف حكومي يداوم بالدوله يكفلك من تسجل بالكليه و من تحجز قسم داخلي شرط موظف مدني (يعني مو عسكري) ولا متقاعد يصير ،زين استاذ شلون يكفلني?الموضف راح يروح لدائرته يسوي تأيد (نسختين )يثبت بأنه موظف ويعنونه الى كليتك ونسخه ثانيه يعنونه الى الاقسام الداخليه(اذا كانت الاقسام الداخليه مفتوحه) ولازم الكفيل يحضر وياك بالتسجيل حتى يوقع ويثبت انه حاضر وياك وجلب الهويه الخاصه بي
سادسا /القرص :هذا القرص اغلب الكليات اطلبه هم لازم اتسوي لان خاف كليتك تريده بالتسجيل شلون تسوي? تاخذ شكو ذكرته فوك بالشرح من غراض وتروح لابو المكتبه ياخذلهن سكنر
رد مع اقتباس
غاليتي نازلي
المشاركة الأصلية كتبت بواسطة الكاتبة الأنيقة
